پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز شریف ایم پی اے عرفان شفیع کھوکھر مرحوم اور میاں مرغوب احمد کی رہائش گاہوں پرتعزیت کیلئے گئے۔ پاکستان مسلم لیگ (ن) کے صدر محمد نواز شریف اور وزیراعلیٰ مریم نواز شریف نے عرفان شفیع کھوکھر مرحوم کے اہل خانہ سے تعزیت کا اظہار کیا۔ پاکستان مسلم لیگ (ن) کے صدر محمد نواز شریف اور وزیراعلیٰ مریم نواز شریف نے میاں مرغوب احمد سے اہلیہ کے انتقال پر تعزیت کی۔
قائد محمد نواز شریف اور وزیراعلی مریم نوازنے مرحومین کے ایصال ثواب کیلئے فاتحہ خوانی اورمرحومین کے درجات کی بلندی کی دعاکی۔پاکستان مسلم لیگ(ن) کے صدر محمد نواز شریف اور وزیراعلیٰ مریم نواز شریف نے سوگواران کے لیے صبر جمیل کی دعا بھی کی
۔پاکستان مسلم لیگ ن کے صدر محمد نواز شریف نے کہا کہ مرحوم عرفان شفیع کھوکھر پارٹی کا قابل قدر اثاثہ تھے۔ وزیراعلیٰ مریم نواز شریف نے کہا کہ مرحوم عرفان شفیع کھوکھر کی سیاسی اور سماجی خدمات یاد رکھی جائیں گی۔
