وزیراعلیٰ پنجاب مریم نوازشریف کے ماحول دوست اقدامات سے گزشتہ سال کے مقابلے میں نئے سال میں لاہور کے فضائی معیار میں نمایاں بہتری آگئی۔ایک تجزیاتی رپورٹ کے مطابق 2025 کے بعد 2026 میں لاہور کے فضائی معیار میں مسلسل بہتری ریکارڈ کی گئی۔ بارش نہ ہونے اورموسم خشک رہنے کے باوجودوزیراعلیٰ مریم نواز شریف کے بروقت قدامات کی بدولت اے کیو ائی میں مسلسل بہتری آرہی ہے۔
رپورٹ کے مطابق اکتوبر 2025 تا 10 جنوری 2026کے دوران لاہور کے مجموعی اے کیو آئی میں 58 پوائنٹس بہتری دیکھی گئی۔ سال 2025-26 کے 102 میں سے 60 دن فضائی معیار بہتر رہا۔ یہ ماحولیاتی رجحان میں تبدیلی کا واضح ثبوت ہے۔رپورٹ میں مزید بتایا گیا کہ فضائی معیار میں مجموعی طور پر 20 فیصد بہتری ریکارڈکی گئی۔ نومبر میں 192، دسمبر میں 13اور اکتوبر میں لاہور کے فضائی معیار میں 8 پوائنٹس بہتری آئی۔ لاہور میں دسمبر میں شدید سموگ کے دوران14، نومبر میں 23 دن، اکتوبر میں 16 دنوں میں فضائی معیار بہتر رہا۔ نئے سال کے پہلے مہینے جنوری میں فضائی معیار میں 28 پوائنٹس بہتری دیکھی گئی۔ اکتوبر 2025 میں اوسط اے کیو آئی 205 رہا جو اکتوبر 2024 کے 213 کے مقابلے میں 8 پوائنٹس بہتر ہے، رواں سال 16 دن بہتر ایئر کوالٹی کے رہے۔نومبر 2025 میں فضائی معیار میں بڑی بہتری، اوسط اے کیو آئی 261 رہا جبکہ نومبر 2024 میں 453 تھا، یوں 192 پوائنٹس کی نمایاں کمی، 23 دن بہتر ایئر کوالٹی کا ریکارڈبنایا گیا۔ دسمبر 2025 میں اوسط اے کیو آئی 247 رہا جو گزشتہ سال کے 235 کے مقابلے میں 13 پوائنٹس زیادہ ہے، تاہم اس دوران 14 دن بہتر ایئر کوالٹی کے رہے۔جنوری 2026 کے ابتدائی 10 دنوں میں اوسط اے کیو آئی 192 رہا جبکہ گزشتہ سال اسی مدت میں 220 تھا، یوں 28 پوائنٹس بہتری، 7 دن بہتر ایئر کوالٹی کا ریکارڈ بن گیا۔ گزشتہ سال اکتوبر سے دسمبر تک لاہور میں مجموعی طور پر اے کیو آئی میں 68پوائنٹس کی بہتری دیکھی گئی، مجموعی طورپر 22 فی صد بہتری آئی۔ رپورٹ میں مزید بتایا گیا کہ نئے سال کے پہلے مہینے جنوری میں گزشتہ برس کے مقابلے میں 9 میں سے 7 دن میں 33پوائنٹس کی بہتری سے فضائی معیار بہتر دیکھا گیا۔ تجزیاتی رپورٹ میں بتایا گیا کہ بارشوں میں کمی کے باوجود فضائی معیار کی بہتری حکومتی اقدامات کا نتیجہ ہے۔ان حکومتی اقدامات میں دھواں چھوڑنے والی گاڑیوں، غیر معیاری ایندھن اور صنعتی اخراج کے خلاف بلا امتیاز کارروائیاں شامل ہیں۔ ڈیٹا بیسڈ پالیسی، فیلڈ مانیٹرنگ اور جرمانوں کے نظام سے فضائی آلودگی کو بہتر بنانے میں نمایاں بہتری آئی۔ اسموگ اسکواڈز کی تعیناتی اور جدید آلات کے استعمال سے آلودگی کے ہاٹ اسپاٹس پر بروقت ایکشن یقینی بنایا گیا۔ ماحولیاتی قوانین پر سخت عملدرآمد اور ادارہ جاتی ہم آہنگی سے لاہور کی فضا پہلے سے زیادہ بہتر ہوئی۔ پنجاب حکومت کے بروقت فیصلے، ٹریفک کنٹرول اور انڈسٹری ریگولیشن نے اسموگ کے پھیلاؤ کو مؤثر انداز میں روکا۔ 2025 کے اسموگ سیزن میں خطرناک کیٹیگری کے دنوں میں نمایاں کمی ہوئی۔ سینئر صوبائی وزیر مریم اورنگزیب نے بتایا کہ وزیراعلیٰ مریم نوازشریف کی اولین ترجیح شہریوں کی صحت کا تحفظ ہے۔ صاف ہوا کی فراہمی کے لیے اصلاحات اور جدید مانیٹرنگ سسٹم متعارف کرایا گیا ہے۔
