سندھ کے سینئر وزیر شرجیل انعام میمن کی جانب سے پاکستان کے عوام کے لئے بہت بڑی خوشخبری
،دنیا کی سب سے بڑی بس ساز کمپنی یوٹونگ کی جانب سے کراچی میں انٹرا سٹی اور ای وی بسز کا پلانٹ لگانے کا فیصلہ کیا ہے۔
یوٹونگ مشرق وسطیٰ کے سی ای او اور دیگر حکام نے کراچی میں سندھ کے سینئر وزیر شرجیل انعام میمن سے ملاقات کی۔ سینئر وزیر شرجیل انعام میمن کی جانب سے جولائی 2022 میں دی گئی دعوت پر یوٹونگ کی جانب سے کراچی میں پلانٹ لگانے کا فیصلہ کیا گیا۔
یوٹونگ کی جانب سے کراچی میں پلانٹ لگانے کا کام تین ماہ کے اندر شروع ہو جائے گا، شرجیل انعام میمن نے مزید کہا کہ پلانٹ کا کام اگلے سال مکمل ہو جائے گا، اب یوٹونگ کی انٹرا سٹی اور الیکٹرک بسز اب کراچی میں بنیں گی۔
پلانٹ میں ای وی بسز اور ہائبرڈ ڈیزل بسز تیار کی جائیں گی۔
پلانٹ لگنے سے صنعتوں کو فروغ ملے گا، روزگار کے نئے مواقع پیدا ہونگے۔ کراچی میں بسز کی تیاری سے پاکستان کا زرمبادلہ بھی بچے گا، بسوں کی ایکسپورٹ سے پاکستان کو بھی فائدہ ہوگا۔
