پنجاب پلاننگ اینڈ ڈویلپمنٹ بورڈ نے مالی سال 2024-25 کے صوبائی ڈویلپمنٹ ورکنگ پارٹی کے آٹھویں اجلاس میں پبلک بلڈنگز سیکٹر زکی 3 ترقیاتی سکیموں کے لیے مجموعی طور پر 2 ارب 37کروڑ 44لاکھ 16 ہزار روپے کے فنڈز کی منظوری دی۔ اجلاس کی صدارت چیئرمین پی اینڈ ڈی بیرسٹر نبیل احمد اعوان نے کی۔
صوبائی ورکنگ پارٹی کے اجلاس میں ترقیاتی بورڈ کی جانب سے جن سکیموں کی منظوری دی گئی ان میں چوبرجی گارڈن لاہور میں 11 تا 14 گریڈ کے سرکاری ملازمین کے لئے ملٹی سٹوری رہائشی بلڈنگ کی تعمیر (ترمیمی) کیلئے 1ارب 49 لاکھ 50 ہزار روپے، سنٹرل جیل فیصل آباد کے 10 ہزار قیدیوں کو ایڈجسٹ کرنے کے لئے پنجاب کی مختلف جیلوں میں اضافی ملٹی سٹوری بیرکس کی تعمیر (ترمیمی) کیلئے 47کروڑ 61 لاکھ روپے اور پنجاب ہاؤس اسلام آباد کی بہتری / تزئین وآرائش کیلئے 89کروڑ 33لاکھ 66 ہزار روپے شامل ہیں۔
اجلاس میں صوبائی سیکرٹری پی اینڈ ڈی بورڈ ڈاکٹر آصف طفیل سمیت چیف اکانومسٹ ناصر اقبال ملک، متعلقہ سیکرٹریز، محکمہ جات کے اعلی افسران اور پنجاب پلاننگ اینڈ ڈویلپمنٹ بورڈ کے ممبران نے شرکت کی۔
