کمشنر لاہور زید بن مقصود کی زیر صدارت انسداد سموگ سٹریٹیجی کے حوالے سے اجلاس منعقد ہوا۔ اجلاس میں سیکرٹری ماحولیات پنجاب راجہ جہانگیر انور نے خصوصی شرکت کی۔کمشنر لاہور زید بن مقصود نے کہا کہ سموگ نہ صرف انسانی صحت کو شدید نقصان پہنچاتی ہے۔ اس سے تجارتی سرگرمیاں بھی متاثر ہوتی ہیں۔ کمشنر لاہور نے کہا کہ انسداد سموگ حکومت پنجاب کی اولین ترجیح ہے۔ ہر پہلو اور شعبہ میں حکمت عملی اپنائی جائے گی۔ پری سموگ منصوبہ بندی کے تحت محکمے انسداد سموگ کیلئے تمام سٹیک ہولڈرز کو ساتھ لیکر اقدامات کریں گے۔ کمشنر لاہور نے کہا کہ فصلوںکی باقیات جلانے پر سخت ایکشن ہوگا۔ ہیپی سیڈرز مشینیوں کی فراہمی سے آگ لگانے میں کمی آئیگی۔ کمشنر لاہور نے کہا غیر معیاری پٹرول و ایندھن سموگ کی بڑی وجوہات ہیں۔ محکمہ انڈسٹریز اور اے سی کاروائیاں کریں۔ کمشنر لاہور نے ہدایت کی کہ محکمہ ماحولیات تحصیل سطح پر سموگ کی متنوع وجوہات کی باقاعدگی سے نشاندہی کرے۔ اس کے مطابق ایکشنز لیں۔
سیکرٹری پنجاب راجہ جہانگیر انور نے کہا کہ پری سموگ سٹریٹیجی تیار ہے جس کے تحت تحصیل سطح پر انسداد سموگ ایکشنز لیے جانے کی ہدایات ہیں۔ کمشنر لاہور نے کہا کہ دھواں پھیلاتی گاڑیوں، موٹر سائیکلز اور رکشوں کیخلاف تحصیل سطح پر ایکشنز لیے جائیں۔ راجہ جہانگیر انور نے کہا کہ تحصیل سطح پر محکمہ کے تحت رضاکار انسداد سموگ آگاہی کے لیے اے سیز کے ہمراہ تحصیلوں میں موجود ہونگے۔ کمشنر لاہور نے کہا کہ اینٹوں کے بھٹوں، بغیر کور ٹرالیوں، بغیر کور تعمیراتی جگہوں کے خلاف ایکشنزلیے جائیں۔ اجلاس میں لاہور سمیت تمام اضلاع کے ڈی سی ز، اے سی ز اورماحولیات افسران نے شرکت کی۔
