کمشنرلاہورڈویژن مریم خان کی زیر صدارت پاکستان بمقابلہ جنوبی افریقہ کرکٹ میچز سیریز انتظامات کے حوالے سے اجلاس منعقد ہوا۔ اجلاس میں کمشنر لاہور نے 12اکتوبر 2025 سے لاہور قزافی سٹیڈیم میں کھیلے جانے والے انٹرنیشنل میچز انتظامات کے حوالے سے پاکستان کرکٹ بورڈ اور ضلعی انتظامیہ سے تفصیلی بریفنگ لی۔ پی سی بی اور ضلعی انتظامیہ نے کرکٹ میچز انتظامات بارے بریفنگ دیتے ہوئے کہا کہ ریسکیو 1122کیمپ، فیلڈ ہسپتال، کنٹرول رومز اور سی سی ٹی وی کیمروں سے مانیٹرنگ سنٹرز قائم ہونگے۔کمشنرلاہورڈویژن مریم خان نے کرکٹ میچز انتظامات کے حوالے سے ہدایات دیتے ہوئے کہا ہے کہ پاکستان اور جنوبی افریقہ کرکٹ ٹیموں کے درمیان 1 ٹیسٹ اور 2 ٹی ٹونٹی میچز 12اکتوبر 2025 سے لاہور قذافی اسٹیڈیم میں کھیلے جائینگے، انہوں نے کہا کہ جنوبی افریقہ کی قومی کرکٹ ٹیم پاکستان پہنچ رہی ہے، لاہور میں پریکٹس سیشنز بھی ہونگے، ٹیموں کی موومنٹ کے دوران گرین بیلٹس میں صرف سکیورٹی کے اہلکار ہونگے، ٹریفک پولیس ٹریفک فلو کو برقرار رکھنے کے لیے ٹریفک پلان ترتیب دے اور شہریوں کو ٹریفک پلان کے حوالے سے راہنمائی بھی دی جائے۔ کمشنر لاہور نے کہا کہ ریسکیو 1122 کے اہلکار و ایل ڈبلیو ایم سی کے ورکرز سیریز کیلئے اسٹیڈیم کے ان سائیڈ و آوٹ سائیڈ موجود ہونگے، انہوں نے کہا کہ پی سی بی کنٹرول روم کے علاوہ خصوصی کنٹرول رومز بنیں گے، تمام محکمے شیڈول اور طریقہ کار کیمطابق انٹرنیشنل کرکٹ سیریز کے کامیاب انعقاد کو یقینی بنائیں۔اجلاس میں آر پی او شیخوپورہ اطہر اسماعیل، ڈی سی لاہور سید موسی رضا، سی ٹی او لاہور ڈاکٹر اطہر حمید، ایڈیشنل کمشنر عثمان غنی، اے ڈی سی لاہور حافظ مدثر نواز، ایس پی سکیورٹی، پی سی بی سکیورٹی و مینیجمنٹ افسران سمیت ایل ڈبلیو ایم سی اور ضلعی محکموں کے افسران نے شرکت کی۔
کمشنرلاہورڈویژن مریم خان کی زیر صدارت پاکستان بمقابلہ جنوبی افریقہ کرکٹ میچز سیریز انتظامات کے حوالے سے اجلاس
