وزیراعلٰی خیبر پختونخوا محمد سہیل خان آفریدی نے کہا کہ نیشنل اکنامک کونسل کے اجلاس میں خیبرپختونخوا کے عوام کا مقدمہ بھرپور انداز میں پیش کیا۔ وزیراعظم نے یقین دہانی کرائی ہے کہ 180 دن کے اندر این ایف سی ایوارڈ کی اپڈیٹ کے لیے اجلاس منعقد ہوں گے، جبکہ نئے این ایف سی ایوارڈ میں ضم شدہ اضلاع کا مالی حصہ بھی شامل کیا جائے گا۔پاسکو کے ساتھ معاہدے کے تحت خیبرپختونخوا کو ایک لاکھ پچھتر ہزار ٹن گندم فراہم کی جائے گی اور وفاقی حکومت نے گندم کی قیمت میں اضافہ نہ کرنے کی یقین دہانی کرائی ہے۔اے آئی پی میں مجوزہ کٹوتی مذاکرات کے بعد کافی حد تک بہتر ہوئی ہے، جبکہ ضم شدہ اضلاع کے ترقیاتی حصے میں مزید بہتری کے لیے بھی مطالبہ کیا گیا ہے۔خیبرپختونخوا حکومت امن و امان کے قیام کے لیے سب سے زیادہ سرمایہ کاری کر رہی ہے۔ پولیس، سی ٹی ڈی اور دیگر اداروں کی استعداد کار بڑھانے پر 30 ارب روپے سے زائد خرچ کیے جا چکے ہیں۔تعلیم، صحت اور امن و امان ہماری اولین ترجیحات ہیں۔ صحت کارڈ، احساس پروگرام، شیلٹر ہومز، زمنگ کور اور دیگر فلاحی منصوبے عوامی خدمت کے عزم کا مظہر ہیں۔خیبرپختونخوا ملک کے مجموعی جنگلات میں 45 فیصد حصہ ڈال رہا ہے۔ جنگلات کے فروغ، شجرکاری اور ماحولیات کے تحفظ کے لیے خصوصی اقدامات اور فنڈز مختص کیے جائیں گے۔
وزیراعلیٰ خیبرپختونخوا محمد سہیل آفریدی کی نیشنل اکنامک کونسل اجلاس کے بعد میڈیا سے گفتگو!
