نئے تعینات ہونے والے ڈی جی ستھرا پنجاب اتھارٹی عمر جاوید نائٹ آپریشن کا جائزہ لینے کے لیے ٹھوکر نیاز بیگ پہنچ گئے

شہر بھر میں بارشی پانی کے انخلا اور صفائی ستھرائی یقینی بنانےکے لیے ستھرا پنجاب لاہور کا عملہ آپریشن کلین کے تحت ویسٹ کلئیرنس اور واشنگ ایکٹیویٹیز پر مامور رہا۔ شہریوں کو بہترین صفائی سہولیات کی فراہمی کے لیے نئے تعینات ہونے والے ڈی جی ستھرا پنجاب اتھارٹی عمر جاوید خودفیلڈ میں متحرک رہے۔نائٹ آپریشن کا جائزہ لینےکے لیے ٹھوکر نیاز بیگ پہنچ گئے۔ستھرا پنجاب ایجنسی لاہور کی جانب سےبارش کے بعد شہر بھر میں میکینیکل سویپنگ اور واشنگ کا سلسلہ جاری ہے۔ستھرا پنجاب کی نائٹ ٹیمیں شہر لاہور میں روزانہ 110 کلومیٹر واشنگ، 1250 کلومیٹر مکینیکل سویپنگ یقینی بنا رہی ہیں۔25 مکینیکل سویپرز 15 مکینیکل واشرز دن اور رات میں صفائی انتظامات یقینی بنا رہے ہیں۔جبکہ150 ورکرز نائٹ شفٹ میں کمرشل مارکیٹس، مین شاہراہوں کی صفائی پر تعینات ہیں۔ڈی جی ستھرا پنجاب اتھارٹی عمر جاوید نےشہر بھر کے انڈر پاسز اور پیڈسٹرین بریجز کی فوری صفائی دھلائی کی ہدایت جاری کرتے ہوئے کہا کہ شہر کو خوبصورت اور ڈسٹ فری رکھنے کیلئے بارش کے بعد مکینیکل سویپنگ اور واشنگ جاری رکھی جائے۔مزید برآں بارش کے بعد ٹھوکر نیاز بیگ، کینال روڈ، مال روڈ، جیل روڈ، شاہدرہ اور فیروزپور سمیت دیگر شاہراہوں پر واشنگ پر عملہ موجود رہا۔ایم ایم عالم روڈ، نظریہ پاکستان روڈ، راوی روڈ، ملتان روڈ سمیت 90 سے زائد شاہراہوں پر مکینیکل سویپنگ یقینی بنانے کے لیے عملہ متحرک رہا۔وزیر اعلی پنجاب مریم نواز شریف کے ویژن ستھرا پنجاب کے تحت شہریوں کو صاف ستھرا ماحول فراہم کرنا ہی اولین ترجیح ہے۔شہریوں سے بھی گزارش ہے کہ صفائی سے متعلق شکایات کے ازالے کے لیے ستھرا پنجاب کی ہیلپ لائن 1139 پر رابطہ کریں یا سوشل میڈیا کا استعمال کریں۔