خیبرپختونخواہ اور گلگت بلتستان کے”پری سروس کورس ریونیو آفیسرز“نےایل ڈی اے ہیڈ آفس جوہرٹاون کامطالعاتی دورہ کیا۔24رکنی وفدمیں خیبرپختونخواہ اور گلگت بلتستان کے تحصیلدار شامل تھے۔اے ڈی جی(یوپی)ایل ڈی اے مدثراحمدشاہ نے وفد کو خوش آمدید کہااورایل ڈی اے کے مختلف سیکشنز کی ورکنگ بارے میں آگاہ کیا۔وفد کے شرکاء کو ماسٹر پلاننگ،اربن پلاننگ،ٹاون پلاننگ سمیت دیگر سیکشنز بارے بریفنگ میں بتایاگیاکہ وزیر اعلیٰ پنجاب مریم نوازشریف کی ہدایت پر لاہور کو "لیوایبل” شہر بنانے کے لیے سسٹین ایبل ماڈل کے تحت اقدامات کیے جارہے ہیں۔ایل ڈی ا ے سکیموں کے ریکارڈ کی سفٹنگ پر کام جاری ہے اورایل ڈی اے کو پیپر لیس ادارہ بنایاجارہاہےوفد کے شرکاء کو ایل ڈی اے کی جانب سے صوبائی دارالحکومت میں مکمل کیے گئے ترقیاتی منصوبوں،ٹاؤن پلاننگ اور ماسٹر پلان کے متعلق بریفنگ دی گئی اورریونیو جنریشن بارے اقدامات کے متعلق آگاہ کیاگیا۔بریفنگ میں بتایاگیاکہ سسٹین ایبل ماڈل ڈویلپمنٹ کے تحت گلبرگ،ٹولنٹن مارکیٹ ،جی ون مارکیٹ اورسبزہ زارمیں خصوصی اقدامات کیے گئے ہیں۔چیف آفیسر آئی ٹی عبد الباسط نے وفدکوسفٹڈاورنان سفٹڈفائلوں کے متعلق بریفنگ میں بتایا۔افسران کے وفدکوڈیجیٹل میپنگ ،آن لائن نقشہ جات اورڈیجیٹل نوٹسزکے اجراء کے متعلق بریفنگ دی گئی۔بعدازاں افسران کے وفد نے ایل ڈی اے سٹیزن فیسلیٹیشن سنٹر کا دورہ کیااورشرکاءکو سٹیزن فیسلیٹیشن سنٹر کی ورکنگ اور شہریوں کی سہولت کے لیے کیے گئے اقدامات بارے آگاہ کیاگیا۔اس موقع پرچیف میٹرو پولیٹن پلاننگ،چیف آئی ٹی، ڈائریکٹر سی اینڈ ائی، ڈائریکٹر فنانس سمیت دیگر افسران موجود تھے۔دورے کے اختتام پر وفد کے شرکاء کو سووینیئر پیش کیا گیا۔
