ڈی جی ایل ڈی اے طاہر فاروق نے ریلوے اسٹیشن اور اطراف کی سڑکوں کا تفصیلی دودہ کیا۔چیف انجینئر ایل ڈی اے اسرار سعید اور پراجیکٹ ڈائریکٹر نے بریفنگ دی۔ریلوے اسٹیشن کے سامنے پارکنگ ایریا کا کام تکمیل کے قریب ہے۔سولر لائٹس کی تنصیب مکمل کر لی گئی ہے، سیٹینگ ایریا بنائے جا رہے ہیں۔پارکنگ ایریا میں خوبصورت اور جاذب نظر ٹف ٹائلز اور پیور لگائے گئے ہیں۔ریلوے اسٹیشن کی طرف جانے والی سڑک کی ری ماڈلنگ مکمل کر لی گئی ہے۔ریلوے اسٹیشن کے پارکنگ ایریا میں گرینری اور نئے درخت لگائے جا رہے ہیں۔ریلوے اسٹیشن کے اطراف املاک کے فساڈ کی اپ گریڈیشن کا کام تیزی سے جاری ہے۔اس موقع پر ڈی جی ایل ڈی اے طاہر فاروق نے گفتگو کرتے ہوئے کہا کہ ریلوے اسٹیشن پر لاہور ائیرپورٹ کی طرز پر کشادہ پارکنگ ایریا اور سیٹینگ ایریا بنایا جا رہا ہے۔ریلوے اسٹیشن کے اطراف سے تمام تجاوزات کا خاتمہ کر دیا گیا ہے،بذریعہ ریلوے سفر کرنے والوں کو لاہور کا ایک خوبصورت چہرہ نظر آئے گا۔ریلوے اسٹیشن کے اطراف کی ری ماڈلنگ کے بعد ٹریفک روانی میں بہتری آئی ہے۔ڈی جی ایل ڈی اے نے ریلوے وال اور ایک موریہ پل کی تزئین و آرائش کے کاموں کا بھی جائزہ لیا۔ڈی جی ایل ڈی اے نے کام کی فنشنگ کے معیار کو بہتر بنانے کی ہدایت کی۔اس موقع پر ایم ڈی واسا اور چیف انجینئر ٹیپا بھی ہمراہ تھے۔
