وزیر بلدیات ذیشان رفیق نے ہیڈ بمبانوالہ تا نندی پور 12.30 کلومیٹر طویل کارپٹ روڈ کی تعمیرِ نو کے منصوبے کا سنگِ بنیاد رکھ دیا

وزیر بلدیات پنجاب ذیشان رفیق نے اپنے وعدے کے مطابق ہیڈ بمبانوالہ تا نندی پور 12.30 کلومیٹر طویل کارپٹ روڈ کی تعمیرِ نو کے منصوبے کا سنگِ بنیاد رکھ دیا۔وزیر بلدیات ذیشان رفیق نے کہا ہے کہ یہ وہ منصوبہ ہے جس کا علاقہ مکین برسوں سے انتظار کر رہے تھے۔ خستہ حال سڑک، سفری مشکلات اور عوامی پریشانیاں اب ماضی کا حصہ بننے جا رہی ہیں۔ انشاء اللہ یہ جدید شاہراہ نہ صرف آمدورفت کو آسان بنائے گی بلکہ علاقے کی ترقی، کاروباری سرگرمیوں اور خوشحالی کے نئے دروازے بھی کھولے گی۔مقررین نے کہا کہ ذیشان رفیق نے ثابت کر دیا ہے کہ عوامی نمائندگی صرف دعوؤں کا نام نہیں بلکہ خدمت، کردار اور عملی کام کا نام ہے۔ جس کام کو ماضی میں کوئی نہ کر سکا، آج وہ کام تیزی سے حقیقت کا روپ دھار رہے ہیں۔ڈسکہ اور گردونواح کے عوام گواہ ہیں کہ ترقی کا سفر رکا نہیں بلکہ پہلے سے زیادہ رفتار کے ساتھ جاری ہے۔ انشاء اللہ وہ دن دور نہیں جب پورا حلقہ جدید ترقی، بہترین انفراسٹرکچر اور مثالی عوامی سہولیات کی پہچان بنے گا۔ترقی کا سفر جاری ہے…