*ادارہ تحفظ ماحول پنجاب نے پہلی اسکیمنگ بوٹ لانچ کر دی*

اسکیمنگ بوٹ نہروں اور دریاؤں سے پلاسٹک کچرا صاف کرے گی۔ بوٹ لاہور کینال میں پائلٹ پراجیکٹ کے طور پر کام شروع کرے گی،ترجمان ساجد بشیر کے مطابق فلیٹیز ہوٹل میں پلاسٹک بیگ فری ڈےپر سیمینار کا انعقاد کیا گیا۔پارلیمانی سیکرٹری برائےماحولیات کنول لیاقت نے بطورمہمانِ خصوصی شرکت کی۔ڈی جی ادارہ تحفظ ماحول پنجاب ڈاکٹر عمران حامد شیخ تقریب کے مہمانِ اعزاز تھے۔تقریب میں ممنوعہ پلاسٹک بیگز استعمال نہ کرنے کا عہد کیا گیا۔ ممنوعہ پلاسٹک بیگز کے خلاف 50 ہزار سے کاروباری افراد نے عہد کیا، ترجمان ای پی اے پنجاب کے مطابق مہم کے دوران 6 لاکھ کلو سے زائد ممنوعہ پلاسٹک ضبط کیا گیا۔خلاف ورزیوں پر 2 کروڑ روپے سے زائد جرمانے عائد کیے گئے۔پلاسٹک آلودگی کے خاتمے کے لیے عملی اقدامات ناگزیر ہیں، ڈاکٹر عمران حامد شیخ نے کہا ہے کہ اصل امتحان عہد کو عملی شکل دینے سے شروع ہوگا۔پنجاب سے ممنوعہ سنگل یوز پلاسٹک بیگز ختم کریں گے۔انفورسمنٹ ٹیمیں ممنوعہ پلاسٹک بیگز کے خلاف کارروائیاں جاری رکھیں گی۔انٹی سنگل یوزپلاسٹک مہم کو ٹیکنالوجی اور ڈیٹا بیسڈ مانیٹرنگ سے مضبوط کیا جائے گا۔شہری ممنوعہ پلاسٹک بیگز استعمال نہ کریں۔کنول لیاقت نے پلاسٹک بیگز کے خلاف مہم کی فرنٹ لائن پر قیادت کی۔پلاسٹک مینجمنٹ اسٹریٹجی 2023 پر عملدرآمد جاری ہے۔پروڈیوسرز، سیلرز، ویسٹ کلیکٹرز اور ری سائیکلرز کی رجسٹریشن جاری ہے۔فیلڈ انفورسمنٹ مشکل مگر ضروری قومی فریضہ ہے، کنول لیاقت نے کہا کہ کسی دباؤ یا سفارش پر ماحولیاتی خلاف ورزی برداشت نہیں ہوگی۔ادارہ تحفظ ماحول پنجاب کی فیلڈ ٹیموں پر فخر ہے۔افسران پربلاجواز دباؤ آیا تو ساتھ کھڑی ہوں گی۔پنجاب کو پلاسٹک فری زون بنانے کے لیے سب کو کردار ادا کرنا ہوگا۔این جی اوز، صنعت، میڈیا اور سول سوسائٹی ادارہ تحفظ ماحول پنجاب کا ساتھ دیں۔پلاسٹک فری پنجاب ایک مشترکہ ذمہ داری ہے۔