کمشنرلاہور مریم خان اور سیکرٹری محکمہ سکولز ایجوکیشن پنجاب مدثر ریاض ملک کی زیر صدارت اجلاس منعقد ہوا۔ اجلاس میں نجی سکولوں کی بلڈنگز کے حوالے سے سرویز اور چیکنگ کو مزید جامع، ٹھوس و تیز بنانے کا فیصلہ کیا گیا۔ فارمل اکیڈیمیز کو سسٹم میں میپ کرنے کے حوالے سے آگاہی مہم شروع کرنے کا بھی فیصلہ کیا گیا۔کمشنر لاہور مریم خان نے ضلعی انتظامیہ و متعلقہ محکموں کو ہدایات جاری کیں۔ انہوں نے کہا کہ تعلیمی سرگرمیوں کیلئے بلڈنگ اتھارٹی اور بلڈنگ فٹنیس چیکنگ کو سخت کیا جائیگا، ہر فارمل اور ان فارمل ٹیوشن سنٹرز و اکیڈیمیز کی بلڈنگ فٹنیس کا سروے کرایا جائے۔ کمشنر لاہور نے بلڈنگ فٹنیس کیلئے ضلعی انتظامیہ، سکول ایجوکیشن اور سی اینڈ ڈبلیو سے ماڈل طلب کرلئے، انہوں نے کہا کہ ضلعی سطح پر ایجوکیشن کے ٹیمز تشکیل دیکر آگاہی مہم شروع کریں روزانہ جائزہ ہوگا۔ کمشنرلاہور نے کہا کہ ٹیوشن سنٹرز کی بلڈنگ فٹنس چیکنگ ون ٹائم مرحلہ نہیں بلکہ مستقل سٹیک ہولڈر قائم کیا جائیگا، مستقل سالانہ چیکنگ ہوگی۔ سیکرٹری سکولز ایجوکیشن پنجاب مدثر ریاض ملک نے کہا کہ کاہنہ سانحہ ہر دل دکھی ہے سانحہ ان رجسٹرڈ ٹیوشن سنٹرز میں پیش آیا، کاہنہ سانحہ تناظر میں اکیڈیمیز کے ریگولیٹری فریمورک کیلئے تجاویز کی سفارشات کردی گئی ہیں، گھروں میں قائم ان فارمل ٹیوشن سنٹرز اور فارمل ٹیوشن اکیڈیمیز آئندہ فوکس کے مرکزی سنٹرز ہیں۔ اجلاس میں ڈی جی ایل ڈی اے طاہر فاروق، ڈی سی لاہور کیپٹن ر علی اعجاز سمیت مختلف محکموں کے افسران نے شرکت کی۔
*کمشنرلاہور نے بلڈنگ فٹنیس کیلئے ضلعی انتظامیہ۔سکول ایجوکیشن۔سی اینڈ ڈبلیو سے ماڈل طلب کرلئے*
