کمشنر لاہور محمد جہانزیب اعوان نے رات گئے نیلاگنبد اور ناصر باغ کا دورہ کیا۔ کمشنر لاہور نے ناصر باغ بحالی پراجیکٹ اور نیلا گنبد زیر زمین پارکنگ اور مارکیٹ کہ تزئین و آرائش پیشرفت کا جائزہ لیا۔ اس موقع پر ڈی جی ایل ڈی اے بھی ہمراہ موجود تھے۔ نیلا گنبد اور ناصر باغ بحالی پراجیکٹ ورکنگ کے حوالے سے ٹیپا، ایل ڈی اے اور والڈ سٹی اتھارٹی نے بریفنگ دی گئی۔ بریفنگ میں بتایا گیا کہ ناصر باغ پارکنگ سائٹ سے کچہری، ایوان عدل و ٹاون ہال کے گرد گاڑیوں کا بوجھ کم ہوگا، ناصر باغ پارکنگ سائٹ سے ایریا میں ٹریفک روانی میں بہتری ہوگی۔کمشنر لاہور محمد جہانزیب اعوان نے ناصر باغ انڈر گراؤنڈ پارکنگ پراجیکٹ کے تعمیراتی معیار و پشرفت کا جائزہ لیا۔ انہوں نے اولڈ سٹیٹ بنک، ایونگ ہال، نیلا گنبد پارکنگ اور دربار عبدالرزاق پر بحالی کاموں کا بھی جائزہ لیا۔ کمشنر لاہور نے کہا ہے کہ زیر تعمیر پراجیکٹس میں عام داخلہ سو فیصد بند ہونا چاہئیے، حفاظتی انتظامات مکمل ہونے چاہیے۔
کمشنر لاہور محمد جہانزیب اعوان کا رات گئے نیلاگنبد اور ناصر باغ کا دورہ،متعلقہ اداروں کی منصوبوں کے حوالے سے بریفنگ
