وزیر اعلیٰ پنجاب مریم نوازشریف کی زیر صدارت صوبائی کابینہ کا13 اجلاس میں بجلی کے بلوں سے ریلیف کے لئے اہم فیصلے کیے گئے۔ چیف منسٹر روشن گھرانہ پروگرام کی منظوری دی،”اپنا گھر ……اپنی چھت“ کے ماڈل گھر کی منظوری دی گئی۔شہر میں 5مرلے اوردیہات میں 10مرلے تک پلاٹ پرگھر بنانے کیلئے 15لاکھ روپے ملیں گے۔وزیراعلیٰ مریم نوازشریف نے کم از کم پہلے تین ماہ ماہانہ قسط نہ لینے کی ہدایت کی۔دسمبر تک پنجاب میں سپیڈو کے بعد الیکٹرو بس چلیں گی، کابینہ کو ماڈل پیش کر دیا گیا۔بھکی،بلوکی اورقائداعظم سولر پارک سے ڈائریکٹ ٹرانسمیشن لائن کے ذریعے انڈسٹریل پارک کوسستی بجلی فراہم کرنے پر غورکیاگیا۔8ممالک میں اوورسیز پاکستانیوں کو ریونیو سروسز کیلئے رجسٹریشن ایکٹ 1908 میں ترمیم کی منظوری دی۔اجلاس میں پنجاب گورنمنٹ ایڈورٹائزمنٹ پالیسی کی منظوری دی گئی۔راولپنڈی سے مری تک ٹورسٹ گلاس ٹرین کی فزیبلٹی اسٹڈی کی منظوری دی۔انڈسٹریز کو براہ راست بجلی کی فراہمی کیلئے پنجاب گرڈ کمپنی کے قیام کی منظوری بھی دی گئی۔لاہور میں الیکٹروبسیں چلانے کے پراجیکٹ کی منظوری دی،27بسیں دسمبر تک آجائیں گی۔پنجاب بھر میں 100یونٹ تک کے پروٹیکٹڈ صارفین کو سولر ہوم سیلوشن فراہم کیا جائے گا۔وزیراعلیٰ مریم نوازشریف نے کہاکہ آئندہ دو ماہ میں عوام کو بجلی کے بلوں میں ریلیف دینے کیلئے ایک اور بہت بڑا پراجیکٹ لارہے ہیں -مری گلاس ٹورسٹ ٹرین سیاحت کی ترقی کے لئے محمد نواز شریف کا بہت بڑا ویژن ہے – مری کی سیاحتی ترقی کے لئے گلاس ٹرین میرا خواب ہے -مری گلاس ٹرین صرف پنجاب کا نہیں بلکہ پاکستان کا اپنی طرز کا پہلا منفرد پراجیکٹ ہے – 8 ممالک میں اورسیز پاکستانیوں کو لینڈ رجسٹریشن اور اہم دستاویزات کی سروس فراہم کی جائے گی۔چین،سعودی عرب، متحدہ عرب امارت، یوکے، یو ایس اے، اٹلی، قطر، بحرین اور سپین کے رہائشی ریونیو سروسز فراہم کی جائیں گی۔اجلاس میں کوڈ آف کریمنل پروسیجر1898ء کے سیکشن 144(6) کے تحت محکمہ داخلہ کی طرف سے جاری کردہ احکامات کی ایکس پوسٹ فیکٹو منظوری دی گئی۔پنجاب گرڈ کمپنی کے قیام اور آپریشنز کی منظوری بھی گئی۔اجلاس میں نارووال میڈیکل کالج کو ڈی ایچ کیو ہسپتال نارووال سے منسلک کرنے کی منظوری دی گئی۔ڈائریکٹر جنرل پنجاب فرانزک سائنس ایجنسی کی آسامی کے لیے شرائط و ضوابط طے کرنے کی منظوری بھی گئی۔ڈائریکٹر جنرل پنجاب ایگریکلچر، فوڈ اینڈ ڈرگ اتھارٹی کی آسامی کے لیے شرائط و ضوابط طے کرنے کی منظوری دی گئی۔پنجاب سیف سٹیز اتھارٹی کے سینئر مینجمنٹ کے عہدے کے لیے شرائط و ضوابط طے کرنے کی منظوری دی گئی۔پنجاب سیف سٹیز اتھارٹی کے سینئر مینجمنٹ کے عہدے کے لیے شرائط و ضوابط طے کرنے کی منظوری بھی دی گئی۔اجلاس میں حکومت پنجاب اور ضلعی حکومتوں کی آڈٹ رپورٹس برائے سال 2018-19,2020-21,2021-22 اور2023-24 کی منظوری بھی دی گئی۔ اپیلٹ ٹریبونل، پنجاب ریونیو اتھارٹی کے ایڈیشنل چیئر پرسن کے چارج کی منظوری بھی دی گئی۔پنجاب ریسورس مینجمنٹ اینڈ پالیسی یونٹ کے ملازمین کے کنٹریکٹ کی مدت میں توسیع کی درخواست کی منظوری دی گئی۔اجلاس میں بورڈ آف پنجاب لینڈ ریکارڈز اتھارٹی کے چیئرپرسن کی تقرری کی منظوری دی گئی۔ ڈی ایچ اے گوجرانوالہ کے مجوزہ رہائشی منصوبے کے تحت مکمل طور پرضلعی کونسل گوجرانوالہ کی ملکیتی اراضی کی خریداری کی منظوری دی گئی۔اجلاس میں پنجاب ہاؤسنگ اینڈ ٹاؤن پلاننگ ایجنسی کے ممبرز کی نامزدگی کی منظوری بھی دی گئی۔
صوبائی وزراء، معاونین خصوصی،چیف سیکرٹری، سیکرٹریز اور دیگرمتعلقہ حکام نے شرکت کی۔
