کمشنر لاہور نعمان یوسف کی زیر صدارت کھیوٹ تقسیم اور ریونیو امور کے حوالے سے اہم ڈویژنل اجلاس منعقد ہوا۔ اجلاس لاہور ڈویژن چاروں اضلاع کے ڈپٹی کمشنرز نے شرکت کی۔ اجلاس میں کمشنر لاہور نے تمام پی سی ایم ز اور ریونیو افسروں سے باریک بینی سے تفصیلات لیں۔ کمشنر لاہور نے ریونیو امور پر ایڈمنسٹریٹو عدالتوں میں زیرالتواء کیسز کی تفصیلات طلب کر لی۔کمشنر لاہور نعمان یوسف نے تمام اضلاع کو تقسیم کیسز کے اہداف دے دئیے۔ کمشنر لاہور نے کہا ہے کہ ضلع سطح پر پرائس کنٹرول و ریونیو امور پر ہر ہفتے کم ازکم ایک باقاعدہ فل ہاوس جائزہ اجلاس بلائیں، تمام اے ڈی سی آرز روزانہ کی بنیاد پر کھیوٹ تقسیم پر تمام ریونیو افسران سے کارکردگی جواب لیں۔ انہوں نے کہا کہ حکومت پنجاب اور بورڈ آف ریونیو کے ریونیو مسائل حل کیلیے احکامات پر زیرو ٹالرنس ہے۔ کمشنر لاہور نے مزید کہا کہ حکومت پنجاب شہریوں کو ریونیو امور پر جدید پیمانے پر سہولیات مہیا کررہی ہے، ریونیو ڈیجیٹائزیشن انقلابی پروگرام ہے، اس سے شہریوں کو بہت بڑا ریلیف مل رہا ہے۔اجلاس میں ڈی سی لاہور، ایڈیشنل کمشنرز، اے ڈی سی آر لاہور، ڈی سی شیخوپورہ، ننکانہ، قصور سمیت اے ڈی سی آرز نے شرکت کی۔
