وزیراعلیٰ پنجاب مریم نواز شریف کا ایران اور امریکہ کے درمیان جنگ بند ی میں کامیابی پر وزیراعظم محمد شہباز شریف کو خراج تحسین

وزیراعلیٰ پنجاب مریم نواز شریف نے ایران اور امریکہ کے درمیان جنگ بند ی میں کامیابی پر وزیراعظم محمد شہباز شریف کو خراج تحسین پیش کیا ہے۔ وزیراعلیٰ مریم نواز شریف نے جنگ بندی کے لئے فیلڈ مارشل عاصم منیر کی کاوشوں کو بھی سراہا۔ وزیراعلیٰ مریم نواز شریف نے کہا کہ تاریخ عالم میں جب جب بھی اس جنگ کا ذکر ہوگا ہر جگہ”پاکستان“ ہی لکھا جائے گا۔ دنیا کو جنگ سے بچانے کے پاکستان کی کامیابی سنہری حروف سے لکھی جائے، یہ تاریخ کا حصہ بن چکی ہے۔ خطے میں امن کیلئے پاکستان کا کردار تسلیم کر نا بہت بڑا اعزاز ہے۔ وزیراعلیٰ مریم نواز شریف نے کہا کہ عالمی اور خطے کی سیاست میں پاکستان نے بے مثال سفارتی توازن کا مظاہرہ کرکے سب کو حیران کر دیا۔ وزیراعظم محمد شہباز شریف اور فیلڈ مارشل عاصم منیر کی کاوشوں سے دنیا بہت بڑی تباہی سے بچ گئی۔وزیراعلیٰ مریم نواز شریف نے کہا کہ ان شاء اللہ پاکستان میں امن معاہدے کے لئے مذاکرات بھی کامیابی سے ہم کنار ہوں گے۔ دنیا کے قدیمی تہذیب و تمدن کو بچانے کے لئے پاکستان کی کاوشوں کو کبھی فراموش نہیں کیا جا سکتا۔