شہر لاہور میں صفائی کی بہترین سہولیات فراہمی کے لیے سی ای او ایل ڈبلیو ایم سی شہریار عارف خان کے فیلڈ میں ہنگامی دورے جاری ہیں۔سی ای او ایل ڈبلیو ایم سی نےصفائی انتظامات کا جائزہ لینے کے لیے ٹولنٹن مارکیٹ کا دورہ کیا۔ اس موقع پر ڈپٹی سی ای او آپریشنز مبین احسن اور سینیر افسران بھی سی ای او کے ہمراہ فیلڈ میں موجود تھے۔سی ای او شہر یار عارف خان نےٹولنٹن مارکیٹ کے ویسٹ مینجمنٹ پلان کے مطابق صفائی انتظامات کو چیک کیا۔دکانداروں سے صفائی انتظامات کے بارے میں بات چیت بھی کی۔جبکہ اینٹی لٹرنگ اسکواڈ کے ہمراہ دکانداروں کو دکان کے باہر ڈسٹ بنز رکھنے اور کوڑا ویسٹ کنٹینر میں پھینکنے کی ہدایات بھی کیں۔سی ای او ایل ڈبلیو ایم سی کا کہنا ہے کہ ستھرا پنجاب ایجنسی لاہور کا عملہ ٹولنٹن مارکیٹ میں تینوں شفٹوں میں صفائی اور دھلائی یقینی بنا رہا ہے۔مزید برآں صفائی ورکرز شہر بھر کی کمرشل مارکیٹس کی صفائی صبح سویرے یقینی بنا رہے ہیں۔شہریوں کو صاف ستھرا ماحول فراہم کرنا ہی اولین ترجیح ہے۔شہریوں سے بھی گزارش ہے کہ صفائی سے متعلق شکایات کے فوری ازالے کے لیے ستھرا پنجاب کی ہیلپ لائن 1139 پر رابطہ کریں یا سوشل میڈیا کا استعمال کریں ۔
سی ای او ایل ڈبلیو ایم سی شہریار عارف خان کا ٹولینٹن مارکیٹ میں صفائی انتظامات کا جائزہ
