بہترین صفائی سہولیات فراہمی یقینی بنانے کے لئے سی ای او ایل ڈبلیو ایم سی کا مختلف علاقوں کا دورہ

مضافاتی علاقوں سمیت شہر بھر میں بہترین صفائی سہولیات فراہمی کا کے لیے ستھرا پنجاب ایجنسی لاہور کی آپریشن ٹیمیں شہر بھر میں صفائی ستھرائی پر مامور ہیں۔سی ای او ایل ڈبلیو ایم سی شہریار عارف خان صفائی انتظامات کا جائزہ لینے کے لیے خود بھی فیلڈ میں متحرک ہیں۔سی ای او ایل ڈبلیو ایم سی شہریار عارف خان نے فردوس مارکیٹ اور ماڈل کالونی میں صفائی انتظامات کا جائزہ لیا۔اس دوران اہل علاقہ سے صفائی انتظامات کے بارے میں براہ راست فیڈ بیک بھی لیا۔اس موقع پر ڈپٹی سی ای او آپریشنز نعمان محمود اور سینئر افسران سی ای او کے ہمراہ فیلڈ میں موجود رہے۔شہریار عارف خان نے نشتر ٹاؤن کے مختلف علاقوں کا بھی دورہ کیا۔نشتر ٹاؤن میں عارضی کولیکشن پوائنٹ پر ویسٹ کی صورتحال کا جائزہ لیا۔چندرائے روڈ، کچا جیل روڈ، چونگی امرسدھو میں کنٹینرز کلئیرنس اورصفائی آپریشنز کا بھی جائزہ لیا۔سی ای او شہریار عارف خان نے صفائی پر مامور عملے کی حاضری اور یونیفارم کوچیک کیا۔سی ای او ایل ڈبلیو ایم سی کا کہنا ہے کہ شہر بھر میں تمام عارضی کولیکشن پوائنٹس کو ماحول دوست بنایا جا رہا ہے۔ہر یونین کونسل میں سو فیصد ڈور ٹو ڈور ویسٹ کولیکشن یقینی بنانے کے لیے عملہ تعینات ہے۔شہری علاقوں کے ساتھ ساتھ دیہی علاقوں میں بھی صفائی انتظامات کو یقینی بنایا جا رہا ہے۔ شہریوں کو صاف ستھرا ماحول فراہم کرنے کے لیے فیلڈ صفائی آپریشن کی مسلسل نگرانی بھی کی جارہی ہے۔