سی ای او ایل ڈبلیو ایم سی شہریار عارف خان فیلڈ میں متحرک،شالیمار ٹاؤن میں صفائی انتظامات کا جائزہ لینے کیلئے مختلف علاقوں کا دورہ

چیف ایگزیکٹو آفیسر لاہور ویسٹ مینجمنٹ کمپنی شہر یار عارف خان شہریوں کو صفائی کی بہترین سہولیات کی فراہمی یقینی بنانے کے لیے فیلڈ میں متحرک ہیں۔ سی ای او شہریار عارف خان نے شالیمار ٹاؤن میں صبح سویرے کرول گھاٹی،عالیہ ٹاؤن بھوگیوال روڈ، چائنہ سکیم اور شالیمار لنک روڈ کا دورہ کیا۔ورکرز کی اٹینڈنس، گاڑیوں کی ورکنگ، آپریشنل ٹیموں کی فارمیشن کے بارے میں متعلقہ افسران سے بریفنگ لی۔صفائی آپریشن پر مامور عملے کی حاضری چیک کی اور صفائی انتظامات کو چیک کیا۔ اس موقع پر ڈپٹی سی ای او آپریشنز مبین احسن اور ڈپٹی جنرل مینیجر انیس جنجوعہ بھی ان کے ہمراہ تھے۔مزید برآں سی ای او ایل ڈبلیو ایم سی نےکوٹ خواجہ سعید ہسپتال کے اطراف،شیر شاہ روڈ،جی ٹی روڈ پر صفائی آپریشن کا جائزہ بھی لیا۔مون سون بارشوں کے پیش نظر چوکنگ پوائنٹس اور ہاٹ سپاٹ ایریاز کو کلیئر رکھنے،شالیمار باغ سے ملحقہ شاہراہوں پر سکریپنگ ایکٹیویٹی تیز کرنے کی ہدایات بھی جاری کیں۔سی ای او ایل ڈبلیو ایم سی شہریار عارف خان کا کہنا ہے کہ وزیرِ اعلیٰ پنجاب مریم نواز شریف کے ویژن ستھرا پنجاب کے تحت شہریوں کو صاف اور خوشگوار ماحول کی فراہمی ہی ادارے کی اولین ترجیح ہے۔اس مقصد کے حصول کے لیے تمام تر وسائل بروئے کار لائے جا رہے ہیں۔