وزیر بلدیات سندھ سید ناصر حسین شاہ کی صدارت میں کراچی میں اسپیشل انیشی ایٹو فار روڈ ریہیبلیٹیشن پروگرام کا اہم اجلاس منعقد،مختلف ٹی ایم سیز کے تحت 139 سڑکوں کی بحالی کی منظوری دے دی گئی۔اجلاس میں بتایا گیا کہ 13 ارب روپے کی لاگت سے شہر بھر میں سڑکوں کی تعمیر و مرمت ہوگی،اخبارات میں آج ہی ٹینڈرز جاری کرنے کی ہدایت دی جائے تاکہ کام کا فوری آغاز ہو سکے۔صوبائی وزیر بلدیات کا کہنا تھا کہ سڑکوں کی بحالی کے ساتھ انہیں سولرائز کر کے اسٹریٹ لائٹس کا بھی انتظام کیا جائے گا، اس موقع پر میئر کراچی مرتضیٰ وہاب سمیت دیگر متعلقہ افسران نے بھی شرکت کی۔
