بلدیہ عظمٰی لاہور کے شعبہ پلاننگ کو نقشہ فیس کی مد میں 40 کروڑ روپے سے زائد ریکارڈ امدن،اقبال زون نمبر ون،داتا ٹاؤن دوسرے نمبر پر رہا

بلدیہ عظمٰی لاہور نے رواں مالی سال نقشہ فیس کی مد میں پہلی مرتبہ 40 کروڑ روپے کی ریکارڈ ریکوری کر لی۔سو فیصد سے زائد ہدف حاصل کیا گیا ہے۔رواں مالی سال شعبہ پلاننگ کو 40 کروڑ روپے کا ہدف دیا گیا تھا۔مالی سال کے اختتام سے دو روز قبل شعبہ پلاننگ نے 40 کروڑ 9 لاکھ77 ہزار روپے ریکوری کر لی ہے۔لاہور کے نو زونز میں علامہ اقبال زون 127 فیصد سے زائد ریکوری کر کے سرفہرست ہے۔داتا گنج بخش زون دوسرے نمبر پر ہے جس نے105 فیصد آمدن کا ہدف عبور کیا ہے۔سب سے کم ریکوری سمن آباد زون کی 51 فیصد ہے۔راوی زون نے 69 فیصد ریکوری کا ہدف پورا کیا ہے۔دیگر دیگر تمام زونز کی ریکوری 90 فیصد یا اس سے زائد ہے۔میٹروپولیٹن آفیسر پلاننگ ڈاکٹر رائے امتیاز حسن کی نگرانی میں غیر قانونی،بغیر نقشہ تعمیرات کے خلاف تسلسل سے آپریشن کی وجہ سے جہاں غیر قانونی تعمیرات میں کمی ہوئی ہے وہاں آمدن میں بھی ریکارڈ اضافہ ہوا ہے۔واہگہ اور نشتر زون کی ریکوری بھی سو فیصد کے قریب ہے۔ایڈمنسٹریٹر وڈپٹی کمشنر لاہور کیپٹن ریٹائرڈ علی اعجاز کی سپورٹ سے شعبہ پلاننگ کا غیر قانونی تعمیرات کے خلاف آپریشن کامیاب ہوا جبکہ نقشہ جات کی منظوری بھی ریکارڈ تعداد میں ہوئی ہے۔گذشتہ سال بھی سب سے زیادہ ریکوری علامہ اقبال زون کی سو فیصد سے زائد تھی۔تمام زونز کے بلڈنگ انسپکٹرز میں اقبال زون کے اسلم بھٹی سب سے زیادہ ریکوری کر کے ٹاپ رہے۔