*صوبائی وزیر بلال یاسین کی زیر صدارت پی ڈی پی کے تحت واسا کے ترقیاتی منصوبوں پر پیش رفت کا جائزہ اجلاس*

صوبائی وزیر ہاؤسنگ اینڈ اربن ڈویلپمنٹ پنجاب بلال یاسین کی زیر صدارت پنجاب ڈویلپمنٹ پروگرام کے تحت واسا کے ترقیاتی منصوبوں پر پیش رفت کا جائزہ اجلاس منعقد ہوا۔ اجلاس میں پنجاب کے 15 اضلاع میں نکاسی آب، سیوریج سسٹم اور شہری انفراسٹرکچر کی بہتری کے منصوبوں پر تفصیلی بریفنگ دی گئی۔بریفنگ میں بتایا گیا کہ 2028 تک 15 اضلاع میں 2236 کلومیٹر سیوریج لائنز کی تعمیر اور 752 کلومیٹر سڑکوں کی بحالی کے منصوبے مکمل کیے جائیں گے۔ اسی طرح 144 کلومیٹر اسٹورم واٹر ڈرینز، 39 نئے ڈسپوزل اسٹیشنز، 42 ڈسپوزل اسٹیشنز کی بحالی اور 9 گراؤنڈ اسٹوریج کی تعمیر کے منصوبوں پر بھی پیش رفت سے آگاہ کیا گیا۔ صوبائی وزیر بلال یاسین نے ترقیاتی منصوبوں کی ضلع وار پیش رفت، مقررہ اہداف اور تکمیل کے اوقات کا تفصیلی جائزہ لیا۔ انہوں نے ہدایت کی کہ سیوریج لائنز، ڈسپوزل اسٹیشنز اور سڑکوں کی بحالی کے منصوبوں کو ترجیحی بنیادوں پر مکمل کیا جائے اور تمام منصوبوں کی بروقت تکمیل یقینی بنائی جائے۔بلال یاسین نے واضح کیا کہ ترقیاتی منصوبوں میں تاخیر یا غفلت کسی صورت برداشت نہیں کی جائے گی۔ واسا کے منیجنگ ڈائریکٹرز ترقیاتی اہداف کے حصول اور منصوبوں کی مقررہ مدت میں تکمیل یقینی بنائیں۔صوبائی وزیر نے کہا کہ وزیراعلیٰ پنجاب مریم نواز شریف کے تمام اضلاع میں یکساں ترقی اور شہریوں کو بنیادی سہولیات کی فراہمی کے وژن پر عملدرآمد جاری ہے۔ پنجاب حکومت شہری انفراسٹرکچر کی بہتری، نکاسی آب کے مؤثر نظام اور عوام کو بہتر سہولیات فراہم کرنے کے لیے ترقیاتی منصوبوں پر تیزی سے کام کر رہی ہے۔

جواب دیں

Back to top button