تعلیمی بورڈ گوجرانوالہ کی نئی سیکرٹری ڈاکٹر عطیہ ارشد ملک سے پنجاب ایجوکیشن بورڈز ایمپلائیز ویلفیئر ایسوسی ایشن و گوجرانولہ بورڈ کے وفد کی ملاقات

تعلیمی بورڈ گوجرانوالہ کی نئی سیکرٹری ڈاکٹر عطیہ ارشد ملک سے پنجاب ایجوکیشن بورڈز ایمپلائیز ویلفیئر ایسوسی ایشن و گوجرانولہ بورڈ کے وفد کی ملاقات، پھولوں کا گلدستہ پیش کرکے خیرمقدم۔ تفصیلات کے مطابق پنجاب ایجوکیشن بورڈز ایمپلائیز ویلفیئر ایسوسی ایشن کے صدر سید سبطین عباس اور جنرل سیکرٹری شیراز اعوان نے ایسوسی ایشن کے وفد کے ہمراہ تعلیمی بورڈ گوجرانوالہ کی نو تعینات سیکرٹری ڈاکٹر عطیہ ارشد ملک سے ان کے دفتر میں ملاقات کی اور انہیں عہدے کا چارج سنبھالنے پر مبارکباد دیتے ہوئے پھولوں کا گلدستہ پیش کیا۔ملاقات کے دوران صدر ایسوسی ایشن سید سبطین عباس نے کہا کہ ڈاکٹر عطیہ ارشد ملک اس سے قبل بطور چیف ایگزیکٹو آفیسر (CEO) ایجوکیشن اپنی بہترین انتظامی صلاحیتوں اور مؤثر قیادت کا عملی مظاہرہ کر چکی ہیں۔ امید ہے کہ وہ اپنے وسیع تجربے کو بروئے کار لاتے ہوئے تعلیمی بورڈ گوجرانوالہ کی کارکردگی میں مزید بہتری، امتحانی نظام میں شفافیت اور ملازمین کی فلاح و بہبود کے لیے مؤثر اقدامات کریں گی۔اس موقع پر جنرل سیکرٹری شیراز اعوان اور دیگر عہدیداران نے سیکرٹری بورڈ کو ادارے کی بہتری اور ملازمین کے مسائل کے حل کے لیے مکمل تعاون کی یقین دہانی بھی کروائی۔ڈاکٹر عطیہ ارشد ملک نے وفد کا شکریہ ادا کرتے ہوئے کہا کہ ادارے کی ترقی، امتحانی نظام کی بہتری اور طلبہ و اساتذہ کو بہترین سہولیات کی فراہمی مشترکہ ذمہ داری ہے، جس کے لیے باہمی مشاورت، ٹیم ورک اور پیشہ ورانہ عزم کے ساتھ آگے بڑھا جائے گا۔ملاقات خوشگوار ماحول میں ہوئی، جس میں ادارے کی ترقی اور ملازمین کی فلاح و بہبود کے لیے باہمی تعاون کے عزم کا اظہار کیا گیا۔

جواب دیں

Back to top button