سموگ صورت حال میں سڑکوں پر ٹریفک کم کرنے کے لیے پنجاب کے دفتروں کے 50 فیصد عملے کو آن لائن کام پر منتقل کرنے کا حکم جاری کر دیا گیا ہے ۔
مختلف محکموں کے درمیان میٹنگز بھی آن لائن کرنی ہوں گی۔ دفاتر آنے والے افراد کار پول ان کرنے کے پابند ہوں گے۔
ڈی جی ادارہ تحفظ ماحول پنجاب، ڈاکٹر عمران حامد شیخ نے تمام سیکریٹریز، سربراہان کو ہدایت جاری کر دی۔ دفاتر میں صرف 50 فیصد اسٹاف کو بلایا جائے گا اور 50 فیصد اسٹاف گھروں سے کام کرنے کا پابند ہوگا۔ فیصلے کا اطلاق پنجاب کے تمام سرکاری، نیم سرکاری، خودمختار اداروں پر ہوگا۔
