ستھرا پنجاب ایجنسی لاہور کی جانب سے ڈی جی ستھرا پنجاب اتھارٹی بابر صاحب دین کی ہدایت پر شہربھر میں صفائی آپریشن بلا تعطل جاری ہے۔موثر صفائی اقدامات کے تحت آبائی شہروں سے عید منا کر واپس آنے والے پردیسیوں کے لیے ریلوے اسٹیشنز،بس اسٹینڈ، لاری اڈوں اور عوامی رش کے مقامات پرخصوصی صفائی انتظامات کے لیے اضافی عملہ تعینات رہا۔جبکہ لاہور کی197 کمرشل مارکیٹس میں عملہ تینوں شفٹوں میں ویسٹ کلئیرنس پر مامور رہا۔ گھر گھر سے کوڑا اکٹھا کرنے کیلئے ستھرا پنجاب ایجنسی لاہور کے لوڈر رکشے شہر کی تمام یونین کونسلز میں متحرک ہیں۔ڈی جی ستھرا پنجاب اتھارٹی بابر صاحب دین کا کہنا ہے کہ شہر لاہور میں ویسٹ کلیئرنس،مینوئل، مکینیکل سویپنگ اور ڈور ٹو ڈور ویسٹ کولیکشن کیلئے ستھرا پنجاب ایجنسی لاہور کے افسران،15ہزار ورکرز اور 1400سے زائد گاڑیاں تینوں شفٹوں میں ویسٹ کلیئرنس آپریشن پر مامور رہیں۔وزیر اعلیٰ پنجاب مریم نواز شریف کے ویژن ستھرا پنجاب کے تحت شہریوں کو صاف ستھرا ماحول فراہم کرنا ہی ادارے کی اولین ترجیح ہے۔شہریوں سے بھی گزارش ہے کہ صفائی سے متعلق شکایات و تجاویز کیلئے ستھرا پنجاب ہیلپ لائن 1139 پر رابطہ کریں یا سوشل میڈیا کا استعمال کریں۔
آبائی شہروں سے عید منا کر واپس آنے والے پردیسیوں کیلئے ریلوے اسٹیشنز،بس اسٹینڈ،عوامی رش کے مقامات پرخصوصی صفائی انتظامات
