ضلع کونسل ڈی جی خان کی ملکیتی اراضی پر دکانوں کی تعمیر پر کارروائی، دکانیں مسمار،اراضی واگزار

ضلع کونسل ڈیرہ غازی خان کی حدود کالا کالونی تحصیل ڈیرہ غازی خان میں ضلع کونسل کی ملکیتی زمین پر عید کی چھٹیوں میں چار دکانیں تعمیر کر لی گئی جن پر ڈپٹی کمشنر ڈیرہ غازی خان نے سخت نوٹس لیا ۔پولیس اور پیرا کی مدد سے ضلع کونسل کے سٹاف افتخار احمد سپر وائزر۔بلڈنگ انسپکٹر جی ایم سلطان نے چیف آفیسر ضلع کونسل جوادالحسن گوندل کی سربراہی میں ستھرا پنجاب کی مشینری کے ہمراہ دکانیں مسمار کر کے اپنی جگہ واگزار کروا لی۔ ایس ایچ او احسان چانڈیا آپریش کے موقع پر موجود رہے ۔قبضہ مافیا کے خلاف پرچے کے اندراج کے لیے تھانے میں درخواست جمع کروا دی گئی ہے۔