وزیر ہاؤسنگ اینڈ اربن ڈویلپمنٹ پنجاب کی زیر صدارت پی ڈی پی/ واسا کارکردگی کے حوالے سے اہم اجلاس ہوا۔ صوبائی وزیر نے واسا کی مجموعی کارکردگی، جاری منصوبوں اور سروس ڈلیوری کا تفصیلی جائزہ لیا۔ اجلاس میں نکاسی آب، سیوریج، صفائی، پانی کی فراہمی اور بارش کے دوران آپریشنل تیاریوں سے متعلق بریفنگ دی گئی۔ پنجاب میں اربن فلڈنگ سے نمٹنے کیلئے پیشگی اقدامات، ڈرینز کی صفائی اور حساس مقامات کی مؤثر نگرانی کرنے کی ہدایات جاری کی گئیں۔ وزیر ہاؤسنگ پنجاب کا کہنا تھا کہ مون سون سے قبل تمام مشینری، ڈی واٹرنگ سیٹ، جنریٹرز اور فیلڈ اسٹاف کی مکمل تیاری یقینی بنائی جائے۔ نکاسیٔ آب، سیوریج، واٹر سپلائی اور بارشوں کے دوران ایمرجنسی رسپانس کو مزید مؤثر بنایا جائے گا۔ وزیر ہاؤسنگ بلال یاسین نے عیدالاضحیٰ سے قبل کاموں کے اہداف اور بلا تعطل میٹریل کی فراہمی یقینی بنانے کی ہدایت کردی۔ وزیر اعلیٰ پنجاب روانہ کی بنیاد پر پی ڈی پی ڈیش بورڈ سے تمام اضلاع کی کارکردگی کا جائزہ لیتی ہے۔ عوامی مفاد کے ہر منصوبے میں رفتار، معیار اور نتیجہ خیزی کو یقینی بنایا جائے۔ ڈی جی واسا پنجاب، پراجیکٹ ڈائریکٹرز کی بریفنگ، 15 اضلاع کے ایم ڈیز نے بذریعہ ویڈیو لنک اجلاس میں شرکت کی۔
