وزیر اعلیٰ گلگت بلتستان امجد حسین نے سیکریٹری اطلاعات کی جانب سے ڈیجیٹل میڈیا پالیسی پر دی جانے والی تفصیلی بریفنگ کے موقع پر گفتگو کرتے ہوئے کہا ہے کہ گلگت بلتستان میں ڈیجیٹل میڈیا انڈسٹری تیزی سے فروغ پا رہی ہے، جس پر خصوصی توجہ دینے کی ضرورت ہے۔ وزیر اعلیٰ نے ہدایت کی کہ تجویز کردہ ڈیجیٹل میڈیا پالیسی کو مکمل طور پر شفاف، جامع اور قابل عمل بنایا جائے۔وزیر اعلیٰ نے سیکریٹری اطلاعات کو ہدایت کی کہ تمام میڈیا ہاؤسز کو اس بات کا پابند بنایا جائے کہ وہ اپنے اداروں میں کام کرنے والے صحافیوں اور میڈیا ورکرز کو حکومت کی مقرر کردہ کم از کم اجرت کے مطابق تنخواہوں کی بروقت ادائیگی یقینی بنائیں۔
میڈیا ورکرز کو حکومت کی مقرر کردہ کم از کم اجرت کے مطابق تنخواہوں کی بروقت ادائیگی یقینی بنائی جائے،وزیر اعلٰی گلگت بلتستان
