سندھ،سیاحتی مقامات پر فلم، ڈرامے، کمرشل وڈیو، فوٹو گرافی، برائیڈل شوٹنگ کی سرکاری فیس میں بڑی کمی

صوبائی وزیر ثقافت و سیاحت سید ذوالفقار علی شاہ کی ہدایت پر محکمہ ثقافت و سیاحت سندھ کا ایک اور اہم اقدام،سیاحتی مقامات پر فلم، ڈرامے، کمرشل وڈیو، فوٹو گرافی، برائیڈل شوٹنگ کی سرکاری فیس میں بڑی کمی کردی ۔اس سلسلہ میں جاری نوٹیفکیشن کے مطابق

موہن جو دڑو لاڑکانہ، مکلی کی 2 لاکھ روپے سے فیس کم کرکے 50 ہزار روپے کردی گئی ہے۔قائد اعظم ہاؤس میوزیم کی ایک لاکھ روپے سے کم کرکے فیس 30 ہزار روپے مقرر،مکھی ہاؤس میوزیم حیدرآباد، کوٹڈجی قلعہ، نوکوٹ قلعہ کی فیس ایک لاکھ سے کم کرکے 30 ہزار روپے مقرر کردی گئی ہے۔عمرکوٹ قلعہ و میوزیم، رنی کوٹ قلعہ، چوکنڈی قبرستان، بھنبھور قلعہ کی نئی فیس 30 ہزار روپے مقرر کی گئی ہے۔سیکرٹری کلچر کی جانب سے نئی قیمتوں کا نوٹیفیکیشن جاری کیا گیا ہے۔فیسز کم کرنے سے زیادہ سے زیادہ لوگ اس سے مستفید ہونگے، سید ذوالفقار علی شاہ صوبائی وزیر کا مزید کہنا ہے کہ قیمتیں کم کرنے سے سیاحتی مقامات مزید اجاگر ہونگے۔وزیراعلیٰ سندھ کی واضع ہدایات ہیں کہ سیاحتی، ثقافتی مقامات کے ذریعے سندھ کا مثبت چہرہ دنیا تک جانا چاہیے۔