ایل ڈبلیو ایم سی کا صفائی آپریشن شہر بھر میں بلاتعطل جاری ہے۔شہریوں کو صفائی کی بہترین سہولیات کی فراہمی یقینی بنانے کے لیے صفائی ٹیمیں چھٹی کے روز بھی فیلڈ میں متحرک رہیں جبکہ دیہی یونین کونسلز میں اوپن پلاٹس کی کلیئرنس تیزی سے جاری ہے۔گلی محلوں کی صفائی کے ساتھ ساتھ 39 بڑے اوپن پلاٹس کو کلیئر کیا گیا،گرینڈ ویسٹ کلئیرنس ایکٹیویٹی کے تحت گزشتہ 24 گھنٹے میں شہر کا 5 ہزار ٹن سے زائد کچرا لکھو ڈیر پہنچایا گیا۔ صفائی کے احسن اقدامات کے لیے واہگہ ٹاؤن، جلو پنڈ، تاج گڑھ، ہانڈو میں صفائی ٹیمیں تعینات ہیں۔عمر ٹاؤن، نشتر ٹاؤن، شاداب کالونی، کاہنہ، گجومتہ میں اوپن پلاٹس کی کلیئرنس کا سلسلہ بھی جاری ہے۔سی ای او ایل ڈبلیو ایم سی بابر صاحب دین کا کہنا ہے کہ وزیر اعلی پنجاب مریم نواز شریف کی ہدایت پر ہر ہر گلی محلے کو زیرو ویسٹ کیا جا رہا ہے۔ایل ڈبلیو ایم سی افسران اور آپریشن ٹیمیں تینوں شفٹوں میں فیلڈ میں متحرک ہیں۔ لاہوریوں کو صاف ستھرا ماحول فراہم کرنے کیلئے تمام ضروری اقدامات کیے جا رہے ہیں۔شہریوں سے بھی گزارش ہے کہ کچرا اور عمارتی ملبہ اوپن پلاٹس میں پھینکنے سے گریز کریں۔صفائی سے متعلق شکایات کے ازالے کے لئے ایل ڈبلیو ایم سی کی ہیلپ لائن 1139 پر رابطہ کریں یا سوشل میڈیا کا استعمال کریں ۔
دیہی یونین کونسلز میں اوپن پلاٹس کی کلیئرنس تیزی سے جاری، اتوار کے روز 39 پلاٹس کلیئر، 5ہزار ٹن سے زائد کچرا لکھو ڈیر پہنچایا گیا۔ سی ای او بابر صاحب دین
