وزیراعلٰی پنجاب مریم نواز کی خصوصی ہدایت پر ایل ڈی اے سٹی میں ترقیاتی کام تیزی سے جاری ہیں۔ڈی جی ایل ڈی اے طاہر فاروق نے ایل ڈی اے سٹی کا دورہ کیا۔ڈی جی ایل ڈی اے طاہر فاروق نے ایل ڈی اے سٹی میں جاری ترقیاتی کاموں کا جائزہ لیا۔ڈی جی ایل ڈی اے نے ہنزہ روڈ، چناب روڈ، جناح سیکٹر کے مختلف بلاکس میں جاری کاموں کا جائزہ لیا۔ڈی جی ایل ڈی اے طاہر فاروق نے فیروز پور روڈ اور ڈیفنس روڈ دونوں اطراف کے انٹری پوائنٹس کا بھی دورہ کیا۔ڈی جی ایل ڈی اے نے ڈیفنس روڈ پر ایل ڈی اے سٹی مین انٹری گیٹ کے تعمیراتی کاموں کا جائزہ لیا۔اس موقع پر ڈی جی ایل ڈی اے طاہر فاروق نے کہا کہ فیروز پور روڈ انٹری پوائنٹ کو بہتر کیا جا رہا ہے،بیوٹیفکیشن کا کام اور مونومنٹ لگایا جائے گا۔ایل ڈی اے سٹی کے پلاٹ مالکان کو جلد خوشخبری دیں گے۔ایل ڈی اے سٹی کے مزید بلاکس کے پلاٹ مالکان کو پوزیشن جلد دیا جائے گا۔ڈائریکٹر ایل ڈی اے سٹی اور پراجیکٹ ڈائریکٹر نے ترقیاتی کاموں میں پیش رفت بارے بریفنگ دی۔ایل ڈی اے سٹی میں انڈر گراؤنڈ وائرنگ کا سلسلہ جاری ہے، گھروں کی تعمیر کا کام بھی جاری ہے۔ڈی جی ایل ڈی اے نے "ہیلتھ سٹی”, "بزنس بے” اور "ایجوکیشن سٹی” کی مجوزہ سائٹ کا بھی دورہ کیا۔اس موقع پر چیف انجینئر ایل ڈی اے، ایڈیشنل ڈی جی یو پی، چیف میٹرو پولیٹن پلاننگ، ڈائریکٹر ایل ڈی اے سٹی، پراجیکٹ ڈائریکٹر ایل ڈی اے سٹی اور متعلقہ افسران موجود تھے۔
