واہگہ زون میں لکھو ڈیر، ہانڈو اور مومن پورہ کے علاقوں میں بھاری مشینری سے زیرتعمیر عمارتوں کے خلاف آپریشن کیا گیا ہے. چیف آفیسر شاہد عباس کاٹھیا کی نگرانی میں ایم و پلاننگ سلیم احمد نے رات گئے آپریشن کی قیادت کی۔ چیف آفیسر شاہد کاٹھیا نے کہا کہ آپریشن کے دوران 4 انڈسٹریل گودام مسمار کردیئے گئے ہیں اور 2 کمرشل مارکیٹوں سمیت 3 زیر تعمیر رہائشی عمارات بھی مسمار کردی گئیں ہیں. انہوں نے کہا کہ شہریوں سے درخواست ہے اپنی قیمتی املاک کو نقصان سے بچانے کے لئے قانونی تقاضے پورے کریں. ایڈمنسٹریٹر بلدیہ عظمیٰ سید موسی رضا نے بلدیہ عظمیٰ پلاننگ ونگ کو شہریوں کے نقشہ جات مقررہ وقت میں پراسیس کرنے کی ہدایت کی ہے. انہوں نے کہا کہ تمام عملہ عوامی خدمت کے لئے کام کرے. ایڈمنسٹریٹر بلدیہ عظمیٰ سید موسی رضا نے کہا کہ نقشہ جات کی منظوری میں درپیش مسائل یا شکایت کی صورت میں شہری چیف آفیسر بلدیہ عظمیٰ سے رابطہ کرسکتے ہیں.
