لاہور شہر میں محفوظ بسنت، سیل پوائنٹس چیکنگ، جامع صفائی، آگاہی مہم اور سیفٹی اقدامات جائزہ کے لئے کمشنر لاہور کے دورے جاری ہیں۔ کمشنر لاہور مریم خان نے ڈی سی لاہور کیپٹن ر علی اعجاز کے ہمراہ لوہاری گیٹ ایریا کا دورہ کیا اور لوہاری گیٹ ایریا میں صفائی و پتنگوں و ڈور کی فروخت کا بھی جائزہ لیا۔ کمشنرلاہور نے لوہاری دروازے کے باہر لیسکو ٹیم کا تاروں کی کلمپنگ آپریشن کا جائزہ لیا۔اس موقع پر کمشنر لاہور نے گفتگو کرتے ہوئے کہا کہ اندرون لاہور سمیت پورے شہر میں بسنت قوانین آگاہی و سیفٹئ مہم گہماگہمی عروج پر ہے، انہوں نے کہا کہ یکم فروری تا 8فروری بسنت خریدوفروخت کی اجازت ہے، ہر سیل پوائنٹ کی سخت چیکنگ جاری رہیگی، تمام محکموں پر مشتمل کوئک ریسپانس ٹیمز پورے شہر میں فعال ہو گئی ہیں۔ کمشنر لاہور نے کہا کہ وزیراعلی پنجاب کی ہدایات واضح ہیں، سیفٹی اقدامات کو سو فیصد یقینی بنایا جارہا ہے، اندرون لاہور و سرکلر روڈ پورے ایریا میں جامع صفائی پروگرام پوری فعالیت سے کیا جائے۔ شہری بسنت قوانین اور بسنت ضابطہ اخلاق کی پابندی کریں یہ اولین ترجیح ہونی چاہئیے، بسنت قوانین پر عملدرآمد ثقافتی تہوار کا احیاء ثابت ہوگا۔ لاہور انتظامی افسران نے شہریوں سے بات چیت کی اور شہریوں کا مثبت فیڈ بیک لیا.اس موقع پر ڈی سی لاہور نے کہا کہ چرخی، دھاتی و نائیلون ڈور پر پابندی ہے خلاف ورزی پر انتہائی سخت کاروائی ہوگی، شہریوں کا محفوظ بسنت کیلئے ذمہ دارانہ کردار اہم ترین ہے، شہری انتظامیہ کی مدد کریں اور بسنت قوانین کی خلاف ورزی کرنے والوں کی اطلاع دیں.
کمشنر لاہور مریم خان نے ڈی سی کیپٹن ر علی اعجاز کے ہمراہ لوہاری گیٹ ایریا کا دورہ
Back to top button
