لاہور(بلدیات ٹائمز رپورٹ)پنجاب کے 229 بلدیاتی اداروں کو 70 کروڑ 69 لاکھ روپے کا یو آئی پی ٹیکس شیئر جاری کر دیا گیا ہے۔محکمہ خزانہ کی طرف سے پراپرٹی ٹیکس سے یہ شیئر جنوری،فروری کا جاری کیا گیا ہے۔اس سلسلہ میں گرانٹ کے حوالے سے جاری نوٹیفکیشن کے مطابق میٹرو پولیٹن کارپوریشن لاہور کو 12 کروڑ70 لاکھ روپے جاری کئے گئے ہیں۔میونسپل کارپوریشن راولپنڈی کو 3 کروڑ 43 لاکھ روپے جبکہ ضلع کونسل راولپنڈی کے لئے 3 کروڑ31 لاکھ روپے ریلیز ہوئے ہیں۔میونسپل کارپوریشن سرگودھا ایک کروڑ38 لاکھ روپے، گوجرانوالہ 3 کروڑ 2 لاکھ روپے، سیالکوٹ 2 کروڑ 41 لاکھ روپے، ملتان 2 کروڑ 74 لاکھ روپے، ساہیوال ایک کروڑ 21لاکھ روپے، فیصل آباد 5 کروڑ 6 لاکھ روپے، ڈی جی خان 40 لاکھ روپے، بہاولپور ایک کروڑ 64 لاکھ روپے اور میونسپل کارپوریشن گجرات کو 2 کروڑ23 لاکھ روپے کا پراپرٹی ٹیکس شیئر جاری ہوا ہے۔میونسپل کارپوریشنز کے علاوہ ضلع کونسلوں اور میونسپل کمیٹیوں کے اکاؤنٹس میں یو آئی پی ٹیکس شیئر ٹرانسفر کردیا گیا ہے۔
