ستھرا پنجاب اتھارٹی میں ایم ڈیز کی تقرریاں لٹک گئیں،اتھارٹی فعال نہ ہو سکی۔ستھرا پنجاب ایجنسیوں کی کارکردگی بری طرح متاثر ہو رہی ہے۔ستھرا پنجاب پروگرام کے انتظامی اور مالی معاملات خراب ہوئے ہیں۔وزیر اعلٰی پنجاب کے صفائی کے حوالے سے پاکستان کے مہنگے ترین پروگرام جس کا کریڈٹ دنیا کے سب سے بڑے صفائی کے پروگرام کے طور پر لیا جا رہا ہے حقیقت میں انتظامی بحران کا شکار ہے۔بیشترچیف ایگزیکٹو افسران انتظامی اور مالی معاملات بہتر انداز میں چلانے میں ناکام ہو چکے ہیں۔مینجنگ ڈائریکٹرز کے لئے انٹرویوز مکمل ہو چکے ہیں تاہم تقرریاں تاخیر کا شکار ہیں۔جس سے ستھرا پنجاب اتھارٹی فنکشنل نہیں ہو سکی ہے۔ستھرا پنجاب اتھارٹی کے ڈائریکٹر جنرل چیف سیکرٹری کو خوش کرنے پر توجہ مرکوز کئے ہوئے ہیں۔جس کی وجہ سے چیف سیکرٹری اوپر اور نیچے سب اچھا کی رپورٹ دے رہے ہیں۔محکمہ بلدیات پنجاب کے مطابق ایم ڈیز کی تقرریاں چند روز میں کر دی جائیں گی۔
