سالانہ عرس حضرت میاں میرؒ کے موقع پر ستھرا پنجاب ایجنسی لاہور نے خصوصی صفائی آپریشن کا آغاز کر دیا۔ عرس کے دوران متوقع 2 لاکھ زائرین کی آمد کے پیشِ نظر دربار حضرت میاں میرؒ اور اطراف میں صفائی کے تمام انتظامات مکمل کیے گئے۔سی ای او ایل ڈبلیو ایم سی شہریار عارف خان صفائی انتظامات کا جائزہ لینے کے لیےخود دربار حضرت میاں میرؒ پہنچ گئے۔ سی ای او شہریار عارف خان کی ہدایت پر عرس حضرت میاں میرؒ کے موقع پر 210 صفائی ورکرزتینوں شفٹوں میں صفائی ستھرائی پر تعینات ہیں۔دربارآنے،جانے والے راستوں اور ملحقہ علاقوں میں فیلڈ آپریشن ٹیمیں مسلسل صفائی یقینی بنا رہی ہیں۔جبکی دربار حضرت میاں میرؒ اور ملحقہ علاقوں میں رات کی شفٹ میں 50 ورکرز خصوصی طور پر صفائی ستھرائی کے لیے تعینات کیے گئے ہیں۔موثر صفائی اقدامات کے تحت دربار کے اطراف چونے کا چھڑکاؤ بھی کیا جا رہا ہے۔مزید برآں سی ای او شہریار عارف خان نےاے سی کینٹ، ڈی جی ایم آپریشنز اور فلیٹ منیجر کے ہمراہ دربار پر حاضری دی اور فاتحہ خوانی بھی کی۔سی ای او ایل ڈبلیو ایم سی شہریار عارف خان کا اس حوالے سے کہنا ہے کہ دو روزہ عرس تقریبات کے اختتام تک صفائی آپریشن بلا تعطل جاری رہے گا۔زائرین کو صاف ستھرا اور بہترین ماحول فراہم کرنے کے لیے فیلڈ ٹیمیں مکمل طور پر متحرک ہیں۔وزیر اعلیٰ پنجاب مریم نواز شریف کے ویژن ستھرا پنجاب کے تحت ہر موقع اور تہوار پر شہریوں اور زائرین کو صفائی کی بہترین سہولیات فراہم کرنا ادارے کی اولین ترجیح ہے۔
سالانہ عرس حضرت میاں میرؒ کی دو روزہ تقریبات:بہترین صفائی سہولیات فراہمی کیلئے سی ای او شہریار عارف خان خود فیلڈ میں متحرک
