وزیر اعلیٰ پنجاب کی ہدایت پر فوڈ ڈائریکٹوریٹ پنجاب شفافیت کی جانب گامزن ہے، ترجمان محکمہ پرائس کنٹرول پنجاب کے مطابق نااہلی، کرپشن اور مافیا کی سہولت کاری کرنے پر مزید 2 افسران کو نوکریوں سے برخاست کی سفارشات کردی گئیں،فوڈ گرین انسپکٹر طاہر ایوب غفلت اور بدعنوانی پر معطل، ڈویژن سے فوری طور پر سرنڈر کر دیا گیا،
سینئر کلرک ضمیر خان اور فوڈ گرین انسپکٹر طاہر ایوب کے خلاف برطرفی کی کارروائی شروع کردی گئی ہے، علاوہ ازیں غیر قانونی ذخیرہ اندوزی کیخلاف آپریشن میں بے ضابطگیوں پر ڈی ایف سی راولپنڈی محمد رمضان کو حتمی وارننگ جاری کی گئی ہے،اسٹوریج آفیسر محمد خان پر بھی گندم اسمگلرز کی معاونت کا الزام پر 3 دن میں وضاحت طلب کی گئی ہے،فوڈ گرین انسپکٹر ڈی جی خان کورا شاہ سے بھی مافیا کی سہولت کاری پر جواب طلبی کی گئی ہے، ترجمان محکمہ پرائس کنٹرول کا کہنا تھا کہ غیر قانونی سر گرمیوں میں ملوث ملازمین کو کسی صورت رعایت نہیں دی جائے گی، محکمے میں شفافیت کو یقینی بنانے کیلئے سخت نگرانی اور زیرو ٹالرنس پالیسی جاری ہے۔
