ڈپٹی کمشنر لاہور سید موسیٰ رضا نے لاہور شہر میں ساتویں زراعت شماری کا افتتاح کر دیا ہے. پاکستان کی ساتویں زراعت شماری integrated digital count” کے فیلڈ آپریشن کا آغاز ہو گیا ہے، ساتویں زراعت شماری 10 فروری 2025 تک جاری رہے گی.
ڈی سی لاہور نے کہا کہ ملکی تاریخ میں یہ زراعت شماری اپنی نوعیت کا پہلا "integrated Digital count” ہے. ڈی سی لاہور نے کہا کہ فیلڈ آپریشن میں بشمول بڑے زمیندار اور بڑے مال مویشی رکھنے والے بھی اس زراعت شماری میں مکمل طور پر شمار ہیں. ابتدائی طور پر 311 ماسٹر ٹرینر کو اسلام آباد اور دوسرے مرحلے میں ضلعی سطح پر 6500 زراعت شماری کے علاوہ ازیں 1368 سپروائزر کو ٹریننگ دی گئی ہے. ڈی سی لاہور نے کہا کہ بنیادی مقصد زراعت کے شعبے میں پالیسی سازی کے لئے اعدادوشمار کو اکٹھا کرنا ہے،ڈی سی لاہور نے کہا کہ پاکستان غذائی قلت میں پوری دنیا کے 127 ممالک میں سے 109 نمبر پر ہے. ڈی سی لاہور نے کہا کہ غذائی قلت کی صورت حال کو بہتر بنانے میں زراعت شماری معاون ثابت ہو گی، ڈی سی لاہور نے کہا کہ ساتویں زراعت شماری کی کامیابی کا دارومدار شمارکنندگان پر ہے، ڈی سی لاہور سید موسیٰ رضا نے کہا کہ شمارکنندگان پوری دلجمعی اور خوش اسلوبی کے ساتھ اپنی قومی ذمہ داری کو پورا کریں.
