چئیرمین سی ڈی اے محمد علی رندھاوا کی زیر صدارت سی ڈی اے ہیڈکوارٹرز میں بلیو ایریا پارکنگ پلازے کے حوالے سے جائزہ اجلاس منعقد ہوا. اجلاس میں سنئیر متعلقہ حکام نے شرکت کی.چیئرمین سی ڈی اے محمد علی رندھاوا کو بلیو ایریا پارکنگ پلازے پر تفصیلی بریفنگ دیتے ہوئے بتایا گیا کہ پارکنگ پلازہ کے سٹرکچر پر تعمیراتی کام مکمل کرلیا گیا ہے اور پارکنگ پلازے میں تقریباً ہزار گاڑیاں پارک کرنے کی گنجائش ہوگی. انہیں مزید بتایا گیا کہ پارکنگ پلازہ دو بیسمنٹس سمیت گراؤنڈ اور 5 فلورز پر مشتمل ہوگا.
بریفنگ دیتے ہوئے چیئرمین سی ڈی اے محمد علی رندھاوا کو بتایا گیا کہ پارکنگ پلازے میں 64 دکانیں بھی تعمیر کی گئی ہیں اور چھت پر اوپن ائیر ریسٹورنٹ اور کیفے کی بھی گنجائش ہوگی. انہیں مزید بتایا گیا کہ پارکنگ پلازے میں شہریوں کی تفریحی ضروریات کو مدِنظر رکھتے ہوئے سینما گھر بھی ہوگا.
چیئرمین سی ڈی اے محمد علی رندھاوا نے ہدایت کی کہ پارکنگ پلازے کے facade کو پرکشش بنانے کیلئے ورٹیکل گارڈن کا آپشن بھی دیکھا جائے اور پارکنگ پلازے کو فعال بنانے کیلئے بہترین بزنس ماڈل کو بنایا جائے. انہوں نے کہا کہ پارکنگ پلازے کے تمام حصوں کو بہترین استعمال میں لایا جائے تاکہ زرائع آمدن میں اضافہ ہوسکے.
چیئرمین سی ڈی اے نے ہدایت کی کہ پارکنگ پلازے میں ڈیجیٹل اور 3D ایس ایم ڈیز بھی نصب کی جائیں. انہوں نے انجنئیرنگ ونگ کو منصوبے میں شامل فنشنگ، لفٹ سمیت دیگر بجلی کے کام مکمل کرنے کی بھی ہدایت کی
