وزیر اعلیٰ پنجاب مریم نواز شریف کے ویژن ستھرا پنجاب پر عملدرآمد یقینی بنانے کے لیے ایل ڈبلیو ایم سی کی آپریشن ٹیمیں 24 گھنٹے فیلڈ میں متحرک ہیں۔جمعہ کی مناسبت سے شہر کی تمام جامع مساجد کے گرد ایل ڈبلیو ایم سی کی جانب سے صفائی کے خصوصی انتظامات ممکن بنائے گئے جبکہ روزانہ کی بنیاد پر کمرشل مارکیٹس، عوامی مقامات، اور رش والی جگہوں پر مینوئل سویپنگ اور پانی کا چھڑکاؤ جاری ہے اور
272 بس اسٹاپس، لاری اڈوں کی صفائی کو یقینی بنایا جا رہا ہے۔ایل ڈبلیو ایم سی کے 5000 سے زائد کنٹینرز کی کلیئرنس بھی روزانہ کی بنیاد کی جا رہی ہے۔شہر کے 800 کلومیٹر سے زائد روڈز پر مکینیکل سویپنگ، 100 کلومیٹر سے زائد مکینیکل واشنگ کی جاری ہے۔ایل ڈبلیو ایم سی بابر صاحب دین کا اس حوالے سے کہنا ہے کہ شہر کی تمام گلیوں، محلوں، چوراہوں، روڈ ڈیوائڈرز اور مین شاہراہوں کی خصوصی صفائی یقینی بنائی جا رہی ہے۔ بہترین صفائی انتظامات کے تحت مسلم ٹاؤن موڑ، اچھرہ، شمع، مزنگ، ایل او ایس پر روڈ سائیڈ سکریپنگ کی جارہی ہے۔جوہر ٹاؤن، سمسانی روڈ، خیابان فردوسی، گلوبل ویلج کے اطراف صفائی آپریشن کیا گیا جبکہ نظریہ پاکستان روڈ، ایکسپو سنٹر، جی ون مارکیٹ کے اطراف صفائی ٹیمیں تعینات ہیں۔ لاہوریوں کو صاف ستھرا ماحول فراہم کرنے کیلئے تمام وسائل بروئے کار لا رہے ہیں۔شہریوں سے بھی گزارش ہے کہ لاہور کو صاف رکھنے میں ایل ڈبلیو ایم سی ٹیموں کا ساتھ دیں۔ صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
