کمشنر لاہور نعمان یوسف نے بارش کے بعد نکاسی آب آپریشن و ایریا کلیرنس کے حوالے سے شہر کے مختلف علاقوں کا دورہ کیا۔ کمشنر لاہور نے لکشمی چوک ،ہائیکورٹ چوک، جی پی او اور قرطبہ چوک کا دورہ کیا۔ اس موقع پر ایم ڈی واسا غفران احمد بھی ہمراہ موجود تھے۔ ایم ڈی واسا نے مختلف ایریاز میں جاری نکاسی آب آپریشنز پر بریفنگ دی۔ انہوں نے کہا کہ شہر میں ہر پوائنٹ پر ٹیمیں موجود ہیں۔کمشنر لاہورڈویژن نعمان یوسف نے کہا ہے کہ بارش رکنے کے بعد کم سے کم وقت میں ایریا کو کلیر کیا جارہا ہے، بارش کے دوران متواتر آپریشن جاری رہنے سے بھی پانڈنگ جلد کلیر ہوجاتی ہے۔ انہوں نے کہا کہ نشیبی آبادیوں اور ایریاز پر مکمل فوکس ہے، مین روڈز، ذیلی روڈز اور و ایریاز کی کلیرنس کے ساتھ ہی نشیبی علاقوں کو کلیر کیا جارہا ہے۔ کمشنر لاہور نے کہا کہ واسا کے کیمپس اور ڈسپوزل اسٹیشنز پوری صلاحیت سے فعال ہیں، مزید بارش کیصورت میں ٹیمیں ایریاز میں بروقت ردعمل دینے کیلئے موجود ہیں۔ انہوں نے کہا کہ نکاسی آب کے مکمل ہونے کے بعد ایریاز کا صفائی آپریشن شروع ہوگا، نکاسی آب آپریشن کے بعد صفائی آپریشن بھی ناگزیر ہے۔
*کمشنر لاہورڈویژن نعمان یوسف کا لکشمی، ہائیکورٹ چوک۔جی پی او اور قرطبہ چوک کا دورہ*
