صوبائی وزیربلدیات سعید غنی نے فوری طور پر ڈپٹی کمشنر سائوتھ اور دیگر کو حادثہ کی جگہ پہنچ کر ریسکیو آپریشن کرنے کی ہدایات دے دی۔ڈی جی سندھ بلڈنگ کنٹرول اتھارٹی اور ڈپٹی کمشنر سے اس حادثہ کی فوری رپورٹ طلب کرلی۔سعید غنی نے کہا کہ حادثہ جس عمارت میں ہوا ہے اس کی پوری رپورٹ پیش کی جائے۔
کراچی کے علاقے لیاری کھڈا مارکیٹ میں رہائشی عمارت کی چھٹی اور پانچویں منزل کی چھت گرنے سے دو خواتین جاں بحق اور تین زخمی ہوگئیں۔ واقعے کی اطلاع ملتے ہی امدادی ادارے اور پولیس فوراً پہنچ گئے اور جائے وقوع سے لوگوں کو ہٹاکر امدادی کام شروع کردیا۔جاں بحق ایک خاتون کی شناخت 45 سالہ حرمت رفیق کے نام سے ہوئی جبکہ دوسری کی شناخت کا عمل جاری ہے، زخمیوں میں 40 سالہ سکینہ ،18 سالہ حاجرہ اور 22 سالہ جویریہ شامل ہیں۔
