وزیر اعلٰی ہاوس میں پشاور پریس کلب کے نومنتخب کابینہ کی تقریب حلف برداری۔ وزیراعلٰی خیبر پختونخوا علی امین گنڈاپور تقریب کے مہمان خصوصی تھے۔ وزیراعلٰی نے نومنتخب کابینہ اور گورننگ باڈی کے ممبران سے ان کے عہدوں کا حلف لیا۔ وزیراعلٰی کے مشیر بیرسٹر محمد علی سیف، پی ٹی آئی کے مرکزی سیکرٹری اطلاعات شیخ وقاص اکرم، سیکرٹری اطلاعات ارشد خان اور کثیر تعداد میں صحافیوں نے تقریب میں شرکت کی۔ وزیر اعلی کا حلف برداری تقریب سے خطاب کرتے ہوا کہا کہ نو منتخب صدر اور انکی پوری کابینہ و گورننگ باڈی اراکین کو مبارکباد پیش کرتا ہوں۔ صحافت ایک بہت پاک اور ذمہ داری والا شعبہ ہے، اگر اسے حق و سچ کے ساتھ کیا جائے تو اسکی اہمیت اور بھی بڑھ جاتی ہے۔اپنی غلطیوں سے ہی سیکھنے والا عقلمند ہوتا ہے، ماضی میں جھانکنے کی بجائے مستقبل کا سوچا جائے، اگر تمام طبقے اپنی اپنی ذمہ داریاں صحیح طرح سے نبھائیں تو مسائل کم ہوتے جائیں گے۔ہمیں کسی کے بارے میں کوئی بھی رائے قائم کرنے سے پہلے بہت کئی مرتبہ سوچنا چاہیے، عوام کو آگہی دینے اور خبریں دینے والوں کا ہر لحاظ سے قابل اعتماد ہونا ضروری ہے، قابل اعتماد ہونے کے لئے ضروری ہے کہ انسان اپنے اصولوں پر کھبی سمجھوتہ نہ کرے، بہتر کارکردگی اور آگے بڑھنے کے لئے صوبائی حکومتوں کی کارکردگی کا موازنہ ضروری ہے۔
میڈیا ہاوسز کو تجویز دیتا ہوں کہ وہ صوبائی حکومتوں کی گورننس، کارکردگی اور آمدن سے متعلق پروگرام منعقد کریں جس میں تمام صوبائی حکومتوں کے نمائندے اپنی ایک سالہ کارکردگی پیش کریں، یہ عوام کی آگہی کے لئے بے حد ضروری اور میڈیا کی ذمہ داری ہے۔فخر سے کہتا ہوں کہ ہماری حکومت کی کارکردگی بہتر ہے، ہم نے صوبے کی آمدن میں 49 فیصد اضافہ کیا ہے، صوبائی حکومت کی آمدن میں اتنا اضافہ تاریخ میں کھبی نہیں ہوا، ہماری خواہش ہے کہ دوسرے صوبے بھی اپنی آمدن بڑھائیں تاکہ ملک ترقی کرے۔ ایک خوددار قوم بننے کے لئے مالی خودمختاری ناگزیر ہے، ہماری حکومت صحافیوں کو بلا تفریق سپورٹ فراہم کررہی ہے اور کرتی رہے گی، ہم نے کھبی یہ نہیں دکھا کہ کون ہماری مخالفت کر رہا اور کون حمایت، ہم نے اپنی آمدن میں اتنا اضافہ کیا ہے کہ صحافیوں کو پہلے سے زیادہ سپورٹ کر سکتے ہیں، صوبے کے تمام پریس کلبوں کی معاونت کا سلسلہ صحافیوں کی مشاورت سے جاری رہے گی۔
وزیر اعلٰی نے رواں مالی سال کے دوراں پشاور پریس کلب کے لئے 5 کروڑ روپے ون ٹائم گرانٹ کا اعلان کیا ۔ جرنلسٹس ویلفیئر انڈومنٹ فنڈ کی سیڈ منی 12 کروڑ روپے سے بڑھا کر 20 کروڑ روپے کرنے کا اعلان کیا ۔ وزیر اعلی کا مستحق صحافیوں کے بچوں کے لئے اسکالرشپس کی تعداد دوگنا کرنے کا اعلان بھی کیا ۔ نیو پشاور ویلی میں صحافیوں کے پلاٹوں کے الاٹمنٹ لیٹرز جلد جاری کرنے کا اعلان کیا ۔ وزیر اعلی کا قرعہ اندازی کے ذریعے صحافیوں کو سولر سسٹم فراہم کرنے کا بھی اعلان بھی کیا ۔
