وزیراعلیٰ پنجاب مریم نواز شریف نے لاہور ڈویلپمنٹ اتھارٹی کے تحت لاہور کا پہلا مربوط ترقیاتی منصوبہ گلبرگ سکیم بلاک تھری پائلٹ پراجیکٹ کا دورہ کیا۔ وزیراعلیٰ مریم نواز شریف نے ایل ڈی اے کی جانب سے گلبرگ سسٹین ایبل ڈویلپمنٹ ماڈل پراجیکٹ کاجائزہ لیا اور گلبرگ بی تھری بلاک میں جاری پائلٹ پراجیکٹ کا معائنہ بھی کیا۔ صوبائی وزیر ہاؤسنگ بلال یٰسین اور ڈی جی ایل ڈی اے طاہر فاروق نے سسٹین ایبل ڈویلپمنٹ ماڈل پراجیکٹ پر بریفنگ دی۔
بریفنگ میں بتایا گیا کہ مربوط ترقیاتی پراجیکٹ کے تحت لاگت اور مین ٹینس کے اخراجات میں نمایاں کمی آئے گی۔ پائلٹ پراجیکٹ کے تحت گلبرگ میں روڈز کی تعمیر و بحالی کی جائے گی۔ یونیفارم گرین بیلٹ فٹ پاتھ اور سائیکلنگ کے لئے واک وے بنائے جائیں گے۔گراؤنڈ واٹر ری چارجنگ کیلئے گرین بیلٹ روڈ لیو ل سے نیچے ہوگی۔ بارش کے پانی کے نکاس کے لئے واٹر ڈرینج سسٹم بھی بنایا جائے گا۔ سٹریٹ میں سولر لائٹس اور یونیفارم سائن لگائے جائیں گے۔ الیکٹرسٹی کے علاوہ دیگر تمام کیبل انڈر گراؤنڈ کر دی جائیں گی۔ سسٹین ایبل ڈویلپمنٹ ماڈل سے صوبائی دارالحکومت کو نئی شکل ملے گی۔ایل ڈی اے دوسرے مرحلے میں سبزہ زار مین بلیوارڈ کی سسٹین ایبل ری ماڈلنگ کر یگا۔ جوہر ٹاؤن جی ون مارکیٹ کی تعمیر و بحالی بھی مربوط ترقیاتی کے تحت ہوگی۔ ٹھوکر نیاز بیگ انٹری پوائنٹ اور ٹولنٹن مارکیٹ کی سسٹین ایبل ڈویلپمنٹ بھی کی جائے گی۔ عرصہ دراز سے ٹوٹ پھوٹ اور عدم توجہ کا شکار علاقوں میں ڈویلپمنٹ کا عمل جاری ہے۔وزیراعلیٰ مریم نوازشریف کومربوط ترقیاتی پائلٹ پراجیکٹ پر بریفنگ میں مزید بتایا گیا کہ بی تھری بلاک کی سڑکوں پر اسفالٹ ڈال دیا گیا ہے، بارشی پانی کے نکاس کا بہتر نظام بنے گا۔ بی تھری بلاک میں انٹرنیٹ و دیگر وائرز کو انڈر گراؤنڈ منتقل کیا جا رہا ہے۔ بی تھری بلاک میں سولر لائٹس نصب کی جائیں گی، علاقے کو خوبصورت اور کشادہ بنایا جائے گا۔ وزیراعلیٰ مریم نوازشریف نے کہا کہ لاہور سمیت ہر شہر کی تعمیر و ترقی ہوگی۔ سسٹین ایبل ڈویلپمنٹ سے نہ صرف شہر بہتر ہوگا بلکہ شہریوں کو بھی آسانی ہو گی۔
