میئر کراچی بیرسٹر مرتضیٰ وہاب نے تمام مسلمانوں، خصوصاً اہلیان کراچی کو عید کی مبارکباد پیش کی ہے، اپنے ایک بیان میں انہوں نے کہا کہ عید مسلمانوں کا سب سے بڑا تہوار ہے اور ہمیں ایثار و قربانی کا درس دیتی ہے، ہمیں اس موقع پر ملک کی سلامتی، یکجہتی، اخوت، مساوات اور بھائی چارگی کے لئے دعا کرنی چاہئے، انہوں نے شہریوں سے درخواست کی کہ عید الفطر کے اجتماعات کے موقع پر وہ اپنی دعاؤں میں ملک خصوصا شہر کراچی کی ترقی وخوشحالی اور امن آشتی کے لئے بھی دعا کریں، میئر کراچی بیرسٹر مرتضیٰ وہاب نے کہا کہ یہ شہر ہماری آرزؤں اور امنگوں کی منزل ہے، ہم سب کو مل کر اتحاد یکجہتی کے ساتھ اسی شہر میں رہنا ہے اور اس کے مستقبل کو روشن کرنا ہے، میئر کراچی نے کہا کہ عید کے موقع پر ہمیں چاہئے کہ غرباء اور مساکین کا خاص خیال رکھیں تاکہ وہ بھی ہمارے ساتھ عید کی خوشیوں میں شامل ہوسکیں۔
