کمشنر کوئٹہ ڈویژن/ ایڈمنسٹریٹر میٹرو پولیٹن کارپوریشن کوئٹہ حمزہ شفقات کی زیر صدارت پبلک پرائیویٹ پارٹنر شپ اتھارٹی کا مشترکہ پارکنگ پلازہ کے حوالے سے اجلاس منعقد ہوا۔اجلاس میں ڈپٹی کمشنر کوئٹہ لیفٹیننٹ (ر) سعد بن اسد، سی ای او پبلک پرائیویٹ پارٹنرشپ اتھارٹی ڈاکٹر فیصل احمد خان، ایس پی ٹریفک سٹی میڈم شبانہ،ڈی ایس پی ٹریفک شفیع اللہ، مرکزی صدر انجمن تاجران عبد الرحیم کاکڑ اور میونسپل کارپوریشن کوئٹہ کے آفیسران اور دیگر نمائندگان نے شرکت کی ۔ اجلاس میں صفاء کوئٹہ پراجیکٹ پر بریفنگ دی گئی اسکے علاوہ شہر میں پارکنگ کے حوالے سے اٹھائے جانے والے اقدامات کا جائزہ لینے کے ساتھ سرکلر پلازہ کے مطعلق تفصیلی بریفنگ لی گئ جس میں سرکلر پلازہ میں لفٹ کی تنصیب کو لازمی اور جلد تکمیل کرنے پر زور دیا ، پارکنگ کیلئے ای ٹکٹنگ کے نظام کو جلد نافذ کرنے کا کہا گیا، شہر میں پارکنگ کی مختص جگہوں کے علاوہ گاڑی کھڑی کرنے پر 1000روپے کا جرمانہ عائد کیا گیا ، کوئٹہ کے تمام سی سی ٹی وی کیمروں کی فعالیت اور انکی مانیٹرنگ کے حوالے بات چیت کی گئ اور بلدیہ پلازہ کی تزئین وآرائش پر بھی گفتگو کی گئی
