حکومتِ پنجاب کے وژن پر عملدرآمد یقینی بنانے کے لیے شہر کے مختلف علاقوں میں ہونی والی بارش میں بھی ایل ڈبلیو ایم سی کے افسران اور عملہ صفائی آپریشن پر مامور رہا۔ لاہور ویسٹ مینجمنٹ کمپنی کی جانب سے دورانِ بارش سکریپنگ، مینوئل سویپنگ، کنٹینرز کلیئرنس کا عمل جاری رہا۔ سی ای او ایل ڈبلیو ایم سی بابر صاحب دین کی ہدایت پر 5000 سے زائد ویسٹ کنٹینرز معمول کے مطابق کلیئر کیے گئے جبکہ شاہراؤں سے شاپنگ بیگزاور ریپرز ہٹانے کے لیے ایل ڈبلیو ایم سی کا عملہ خاص طور پر تعینات کیا گیا۔ مزید برآں گلبرگ ٹاؤن میں نور جہاں روڈ،لبرٹی مارکیٹ،مین بلیواڑگلبرگ، ایم ایم عالم روڈ پر شاہراؤں کی کلیئرنس کا عمل جاری رہا جبکہ شادمان مارکیٹ، ایوان تجارت، بیڈن روڈ بازار، ٹیمپل روڈ پر صفائی آپریشن جاری رہا۔مال روڈ، جیل روڈ، الحمرا، گورنر ہاؤس اور ملحقہ سڑکوں پر بھی صفائی ستھرائی برقرار رکھنے کے لیے عملہ تعینات رہا۔سی ای او ایل ڈبلیو ایم سی بابر صاحب دین کا اس حوالے سے کہنا ہے کہ تمام ٹاؤن مینجرز کو بھی فیلڈ میں ورکرز کی 100 فیصد حاضری یقینی بنانے کی ہدایات جاری کی گئی۔ شہریوں سے بھی گزارش کی ہے کہ کوڑا ہمیشہ کوڑے دان میں ڈالیں، دوران بارش شاہراؤں میں بکھرا کوڑا کرکٹ نکاسی آب میں خلل کا سبب بنتا ہے۔صفائی سے متعلق شکایات کے ازالے اور تجاویز کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیاکا استعمال کریں۔
