لوکل گورنمنٹ ایمپلائز فیڈریشن رجسٹرڈ خیبرپختونخوا کے سرپرست اعلیٰ شوکت کیانی نے ایبٹ آباد میں ضلع کونسل کے دفتر میں آل پاکستان لوکل گورنمنٹ ورکرز ایمپلائز فیڈریشن خیبرپختونخوا کے جنرل سیکریٹری شیخ ظہیر سے ملاقات کی ہے۔ ملاقات میں میونسپل ایمپلائز یونین ٹی ایم اے ایبٹ آباد کے سینئر نائب صدر مقصود الرحمن بھی موجود تھے۔ اس دوران خیبر پختونخوا کے بلدیاتی اداروں کے ملازمین اور پنشنرز کو درپیش تنخواہوں اور پنشن کی عدم ادائیگی اور سروس سٹرکچر پر گفت و شنید کی گئی۔ ظہیر شیخ نے شوکت کیانی کی طرف سے صوبہ بھر کے بلدیاتی اداروں کے ملازمین اور پنشنرز کو درپیش مسائل کے حل کے لئے مشترکہ جدو جہد کرنے سے اتفاق کرتے ہوئے مشترکہ لائحہ عمل طے کرنے کی تجویز کو سراہتے ہوئے مشترکہ جدو جہد سے اتفاق کیا اور کہا کہ مشترکہ جدو جہد ہی مسائل کے حل کے لئے نتیجہ خیز ثابت ہو گی۔ دونوں سائیڈ سے مشترکہ جدوجہد کے عزم کا اظہار کیا ہے۔
شوکت کیانی اور ظہیر شیخ کی ملاقات،خیبرپختونخوا کے بلدیاتی ملازمین اور پنشنرز کو درپیش مسائل کے حل کے لئے مشترکہ جدوجہد اتفاق
