پشاور(بلدیات ٹائمز) بلدیاتی اداروں کے ملازمین اور پنشنرز کو تنخواہوں اور پنشن کی ادائیگی بذریعہ اکاونٹ فور یقینی بنائی جائے۔صوبائی حکومت کی عدم دلچسپی کی وجہ سے بلدیاتی ادارے مستقل اکاؤنٹنگ سسٹم کی نہ ملنے سے سخت مشکلات سے دوچار ہیں۔خیبر پختونخوا حکومت بلدیاتی اداروں کے لئے مستقل اکاؤنٹنگ سسٹم کی فراھمی میں ناکام۔گذشتہ عرصہ زائد از چار سال سے مستقل اکاؤنٹنگ سسٹم کی عدم دستیابی کی وجہ سے پرسنل لیجر اکاؤنٹ میں وقتاً فوقتاً توسیعی کی جاتی رہی۔پرسنل لیجر اکاونٹ کی توسیعی میعاد 30 ستمبر 2025 کو اختتام پذیر ھونے جا رہی ھے مگر TMAs کے لئے مستقل اکاؤنٹنگ سسٹم کے لئے کوئی مثبت پیش رفت سامنے نہیں آئی ۔جس سے بلدیاتی اداروں کے ملازمین اور پنشنرز بری طرح متاثر ھو رہے ھیں کیونکہ وقتاً فوقتاً توسیع کے لئے اکاونٹنٹ جنرل آفس اور فنانس ڈیپارٹمنٹ کی منتیں کی جاتی ہیں اور اے جی افس والے اپنی من مانی کر کے بلدیاتی اداروں اور بلدیاتی ملازمین کو پرسنل لیجر اکاونٹ کی توسیع سے سخت ذھنی کوفت اور پریشانی سے دوچار کرتے ہیں۔ فی الوقت بندوبستی اضلاع کی تحصیل میونسپل ایڈمنسٹریشنز ڈیرہ اسماعیل خان، پرووا ، ٹانک ، بنوں، سرائے نورنگ، لکی مروت، کرک ، لاچی ، کوہاٹ، ٹل، ہنگو ، تنگی ، چترال ، بائی زئی ، الائی، بالاکوٹ، بٹگرام، اوگی، نوشہرہ ، مردان ، چارسدہ ، حویلیاں ، لوئر تناول، براول ،بٹ خیلہ ، دروش، ایبٹ آباد وغیرہ اور ضم اضلاع کی تمام TMAs کے ملازمین اور پنشنرز کے بچے گزشتہ 5/6 ماہ کی تنخواہیں اور پنشن کی عدم ادائیگی کی وجہ سے فاکوں سے دوچار ہیں۔ گزشتہ دنوں میں آکٹرائے شئیر اور ناکافی گرانٹ ریلیز ہونے کے باوجود بھی تنخواہوں اور پنشن کی ادائیگی مکمل طور پر نہیں کی جا سکی۔
لوکل گورنمنٹ ایمپلائز فیڈریشن خیبرپختونخوا کے سرپرست اعلیٰ شوکت علی کیانی, چیئرمین محبوب اللہ، صدر حاجی انور کمال خان مروت اور جنرل سیکریٹری سلیمان خان ھوتی، بلدیہ ڈیرہ اسماعیل خان سے قیصر کامران ، بلدیہ کوہاٹ سے سخی بادشاہ، بلدیہ ٹل سے کامران ظہیر، بلدیہ بنوں سے حافظ کریم داد ، بلدیہ پشاور سے قیصر باچہ، بلدیہ شاہ عالم پشاور سے غفار خان، بلدیہ تیمرگرہ سے عبد الغفار ، بلدیہ چارسدہ سے شاد خان، بلدیہ اوگی سے راشد علی ، محمد حسن، بلدیہ لاچی سے بشیر باچہ، بلدیہ مانسہرہ سے آصف رحمان، بلدیہ الائی سے ہدایت اللہ ، بلدیہ بابو زئی مینگورہ سے جاوید اقبال نے اپنے مشترکہ بیان میں خیبرپختونخوا حکومت، وزیر اعلیٰ خیبرپختونخوا علی آمین گنڈہ پور ، چیف سیکرٹری خیبرپختونخوا شہاب علیخان، وزیر بلدیات و دیہی ترقی خیبرپختونخوا ارشد ایوب خان ، سیکریٹری بلدیات و دیہی ترقی خیبرپختونخوا ثاقب رضا اسلم ، سیکریٹری مالیات خیبرپختونخوا ، آڈیٹر جنرل آف پاکستان ، اکاونٹنٹ جنرل خیبرپختونخوا اور سیکریٹری لوکل کونسل بورڈ خیبرپختونخوا وحید الرحمان ،ایڈیشنل سیکریٹری LCB شعیب خان اور ڈپٹی سیکریٹری فنانس LCB سے پرزور مطالبہ کیا ھے کہ بلاتاخیر TMAs کے لئے نیا اکاونٹنگ سسٹم منظور کیا جائے اور بلدیاتی ملازمین اور پنشنرز کی تنخواہوں اور پنشن کی بروقت ادائیگی بذریعہ اکاونٹ فور یقینی بنائی جائے تاوقتیکہ PLA میں فوری 30 جون 2026 تک توسیع کی جائے کیونکہ پہلے ہی بلدیاتی ملازمین اور پنشنرز گذشتہ چار پانچ سالوں سے ہرسنل لیجر اکاؤنٹ کی توسیعی مراحل کی مشکلات اور سختیوں سے گذرتے آ رہے ہیں۔جس کی وجہ سے بلدیاتی ملازمین اور پنشنرز کے بچے بھوک و افلاس اور فاکوں سے دوچار ہیں جب کہ بلدیاتی ادارے بھی اپنے علاقہ کی عوام کو بہتر سہولیات کی فراھمی میں مشکلات سے دوچار ھیں۔
